Wetin Mek Una Kɔl Unasɛf Jiova Witnɛs?

Di Baybul sho wi klia wan se Jiova na Gɔd in nem. (Ɛksodɔs 6:3, NW; Sam 83:18, NW) Witnɛs na pɔsin we de tɔk bɔt sɔntin we i si ɛn biliv.

So, wi nem Jiova Witnɛs de sho se wi na Kristian dɛn we de tɔk di tru bɔt Jiova, we na di Pɔsin we mek ɔltin. (Rɛvɛleshɔn 4:11) Wi de tɛl ɔda pipul dɛn bay di we aw wi de liv wi layf ɛn we wi de tɛl dɛn bɔt wetin wi dɔn lan na di Baybul.—Ayzaya 43:10-12; Pita In Fɔs Lɛta 2:12