6. Una go ebul fɔ sɔlv prɔblɛm dɛn na una mared-os

VIDIO: Wetin Wi Go Du fɔ Lɛk Wisɛf Mɔ ɛn Mɔ? (5:​44)

• Insay di vidio, wetin na bin sɔm sayn dɛn we sho se di man ɛn in wɛf nɔ bin lɛk dɛnsɛf igen lɛk aw dɛn bin lɛk dɛnsɛf trade?

• Wetin-ɛn-wetin dɛn du fɔ mek dɛn lɛk dɛnsɛf mɔ ɛn mɔ?

Rid 1 Kɔrintians 10:​24 ɛn Koloshians 3:​13. Afta una rid ɛniwan pan dɛn skripchɔ dɛn ya, una tɔk bɔt dis kwɛstyɔn:

• We maredman ɛn in wɛf fala dis advays, aw dat go mek dɛn mared-os go bifo?

Di Baybul se wi fɔ ɔnɔ wisɛf. Fɔ sho ɔnɔ min se wi fɔ trit pɔsin fayn ɛn wit rɛspɛkt. Rid Romans 12:​10, dɔn una tɔk bɔt dɛn kwɛstyɔn dɛn ya:

• Maredman ɔ mareduman fɔ wet fɔ mek in man ɔ in wɛf ɔnɔ am fɔs? Wetin mek yu tink so? Wetin mek yu nɔ tink so?

Wi ɔl gɛt difrɛn we dɛn aw wi want fɔ drɛs. If wi fala sɔm simpul Baybul prinsipul dɛn, wi nɔ go jɔs pik wetin wi want fɔ wɛr bɔt wi go pik tin dɛn bak we go mek Jiova gladi. Lɛ wi tɔk bɔt sɔm pan dɛn prinsipul dɛn de.

1. Wetin go ɛp wi fɔ disayd wetin fɔ wɛr?

Wi fɔ “drɛs di rayt we, bay we [wi] nɔ de du tin pasmak wan ɛn bay we [wi] du tin wit sɛns.” Dɔn bak, wi fɔ mek shɔ se wetin wi de wɛr klin ɛn sho se wi na pipul dɛn we de “wɔship Gɔd.” (1 Timoti 2:​9, 10) Tink bɔt dɛn 4 prinsipul dɛn ya: (1) Wi fɔ drɛs di “rayt we.” As yu dɔn notis na wi kɔngrigeshɔn mitin dɛn, Jiova in pipul dɛn de drɛs difrɛn we dɛn. Bɔt di we aw wi de drɛs ɛn di we aw wi de mek wi ia de sho se wi rɛspɛkt di Gɔd we wi de wɔship. (2) Drɛs di kayn we we go mek yu “nɔ du tin pasmak wan.” Dat min se di we aw wi de drɛs nɔ fɔ mek ɔda pipul dɛn bigin tink bɔt bad tin ɔ mek tumɔs atɛnshɔn de pan wi. (3) Wi de sho se wi de “du tin wit sɛns” bay we wi nɔ de fala ɛnikayn fashɔn ɔ stayl we kɔmɔt. (4) Di we aw wi de drɛs fɔ sho ɔltɛm se wi de “wɔship di [tru] Gɔd, ɛn i fɔ izi fɔ mek ɔda pipul dɛn si dat.​—1 Kɔrintians 10:​31.

2. Wetin mek wi fɔ tink bɔt wi brɔda ɛn sista dɛn we wi de disayd wetin fɔ wɛr?

Pan ɔl we wi gɛt rayt fɔ pik wetin wi want fɔ wɛr, wi fɔ tink bɔt aw di tin dɛn we wi de disayd fɔ wɛr de afɛkt ɔda pipul dɛn. Wi fɔ du wi bɛst mek ɔda pipul dɛn nɔ fil bad ɛn wi fɔ “du wetin gud to wi neba, so dat wi go ɛp am fɔ tinap tranga wan.”​—Rid Romans 15:​1, 2.

3. Aw di we aw wi de drɛs go mek ɔda pipul dɛn want fɔ lan bɔt Jiova?

Wi kin du wi bɛst fɔ tray fɔ drɛs fayn ɔltɛm. Bɔt wi kin tek tɛm mɔ wit di we aw wi de drɛs we wi de atɛnd kɔngrigeshɔn mitin ɛn we wi de du di prichin wok. Wi nɔ want fɔ mek di we aw wi de drɛs mek pipul dɛn nɔ pe atɛnshɔn to di impɔtant mɛsej we wi de tɛl dɛn. Bifo dat, wi want mek di we aw wi de drɛs mek pipul dɛn want fɔ no mɔ bɔt Jiova ɛn mek “wi Seviɔ, in tichin fayn mɔ ɛn mɔ.”​—Taytɔs 2:​10.

LAN MƆ

4. Wi de sho rɛspɛkt fɔ Jiova we wi drɛs fayn

Wetin na di rizin we impɔtant pas ɔl we mek wi fɔ bisin bɔt di we aw wi de drɛs? Rid Sam 47:​2, dɔn una tɔk bɔt dɛn kwɛstyɔn dɛn ya:

• Aw wi go disayd fɔ drɛs we wi mɛmba se di we aw wi drɛs de afɛkt di we aw pipul dɛn de si Jiova?

• Yu tink se i rili mek sɛns fɔ bisin bɔt di we aw wi de drɛs we wi de atɛnd mitin ɛn we wi de du di prichin wok? Wetin mek yu tink so? Wetin mek yu nɔ tink so?

5. Wetin go ɛp wi fɔ disayd aw fɔ drɛs?

Ple di VIDIO.

VIDIO: “Du Ɔltin fɔ Briŋ Prez to Gɔd” (10:​18)

Ilɛksɛf wi klos dia ɔ i nɔ dia bɛtɛ, i fɔ klin ɛn i fɔ fit di program we wi de wɛr am fɔ. Rid 1 Kɔrintians 10:​24 ɛn 1 Timoti 2:​9, 10. Dɔn, una tɔk bɔt wetin mek wi fɔ avɔyd fɔ wɛr klos dɛn we  . . .

• nɔ nit ɔ klin.

• tayt, we de sho wi bɔdi pat dɛn, ɔ we de mek pɔsin tink bɔt mami ɛn dadi biznɛs.

Kristian dɛn nɔ nid fɔ fala di Lɔ we Gɔd bin gi Mozis, bɔt stil dɛn kin lan bɔku tin frɔm dɛn lɔ dɛn de bɔt di we aw Jiova de tink. Rid Ditarɔnɔmi 22:​5, dɔn una tɔk bɔt dis kwɛstyɔn:

• Wetin mek wi fɔ avɔyd fɔ wɛr klos dɛn we de mek man luk lɛk uman ɔ uman luk lɛk man?

Rid 1 Kɔrintians 10:​32, 33 ɛn 1 Jɔn 2:​15, 16, dɔn una tɔk bɔt dɛn kwɛstyɔn dɛn ya:

• Wetin mek wi fɔ chɛk if di we aw wi de drɛs de mek pipul dɛn fil bad na di eria ɔ na di kɔngrigeshɔn?

• Uskayn drɛsin kɔmɔn na di say we yu de?

• Yu tink se sɔm pan dɛn drɛsin dɛn de nɔ go fayn fɔ Kristian? Wetin mek yu tink so? Wetin mek yu nɔ tink so?

WETIN YU DƆN LAN?

We wi disayd fɔ du di rayt tin we i kam pan di we aw wi de drɛs, wi de sho se wi rɛspɛkt Jiova ɛn ɔda pipul dɛn.

Rivyu

• Wetin mek di we aw wi de drɛs impɔtant to Jiova?

• Wetin na sɔm prinsipul dɛn we go ɛp wi fɔ disayd aw fɔ drɛs?

• Aw di we aw wi de drɛs de afɛkt di we aw pipul dɛn de si tru wɔship?

DU MƆ RISACH

Lan bɔt wetin ɔda pipul dɛn go tink bɔt yu we dɛn si di we aw yu drɛs.

“Aw A Fɔ Drɛs?” (Atikul na di wɛbsayt)

Lan wetin mek i impɔtant fɔ mek yu tink bifo yu mek tatu.

“Wetin di Baybul Se bɔt Tatu?” (Atikul na di wɛbsayt)

Lan bɔt sɔm ɔda prinsipul dɛn we go gayd di we aw yu de disayd fɔ drɛs.

“Di We Aw Yu De Drɛs De Briŋ Prez to Gɔd?” (Di Wachtawa, Sɛptɛmba 2016)

Aw wan uman we bin want fɔ du wetin Gɔd want bin lan fɔ tink di rayt we bɔt aw ɔda pipul dɛn disayd fɔ drɛs?

“Ɔda Pipul dɛn Drɛsin Bin De Ambɔg Mi” (Awek!, Disɛmba 22, 2003)