-
Uskayn Gɔd Jiova Bi?Ɛnjɔy Layf Sote Go!—Yu Go Bɛnifit we Yu Stɔdi di Baybul
-
-
3. Aw Jiova de sho se i lɛk wi?
Jiova in men kwaliti na lɔv. Infakt, di Baybul se “Gɔd na lɔv.” (1 Jɔn 4:8) Jiova dɔn yuz di Baybul ɛn di tin dɛn we i mek fɔ sho se i lɛk wi. (Rid Akt 14:17.) Fɔ ɛgzampul, tink bɔt aw i mek wi. I mek wi ebul fɔ si fayn fayn kɔlɔ dɛn, yɛri fayn myuzik dɛn, ɛn tes swit it dɛn. I want wi fɔ ɛnjɔy layf.
-
-
Lay Lay Rilijɔn dɛn De Mek Pipul dɛn Biliv Tin dɛn we Nɔto Tru bɔt GɔdƐnjɔy Layf Sote Go!—Yu Go Bɛnifit we Yu Stɔdi di Baybul
-
-
2. Aw lay lay rilijɔn dɛn dɔn mek pipul dɛn biliv tin dɛn we nɔto tru bɔt Gɔd bay di tin dɛn we dɛn de du?
Lay lay rilijɔn nɔ de trit pipul dɛn di we aw Jiova de trit dɛn. Di Baybul se lay lay rilijɔn dɛn “sin dɛn dɔn bɔku te dɛn rich ɔp na ɛvin.” (Rɛvɛleshɔn 18:5) Fɔ lɔng tɛm naw, rilijɔn dɛn dɔn put an pan pɔlitiks, de sɔpɔt wɔ dɛn, ɛn mek dɛn kil bɔku bɔku pipul dɛn. Sɔm bigman dɛn pan Gɔd biznɛs want fɔ jɛntri, na dat mek dɛn de aks dɛn mɛmba dɛn fɔ mɔni. Dɛn tin dɛn de we dɛn de du de sho se dɛn nɔ ivin no Gɔd, so dɛn nɔ fit fɔ tɔk ɔ du tin fɔ Gɔd.—Rid 1 Jɔn 4:8.
-