5
Di Baybul in Mɛsej
Na Jiova Gɔd gɛt rayt fɔ rul. I de rul di bɛst we. Di tin we Gɔd want fɔ mek i bi na di wɔl ɛn fɔ mɔtalman go mɔs bi.
Afta 4026 bifo Krays “Di snek” chalenj Jiova in rayt fɔ rul ɛn di we aw i de rul. Jiova prɔmis fɔ gi wan “pikin” ɔ sid we go dɔnawe wit di snek we na Setan. (Jɛnɛsis 3:1-5, 15) Bɔt Jiova alaw tɛm fɔ pas so dat mɔtalman go rul dɛnsɛf ɔnda di snek in kɔntrol. |
1943 bifo Krays Jiova bin tɛl Ebraam se na wan pan in pikin dɛn go bi di “pikin” we i dɔn prɔmis.—Jɛnɛsis 22:18. |
Afta 1070 bifo Krays Jiova bin prɔmis Kiŋ Devid ɛn in pikin Sɔlɔmɔn fɔ se di “pikin” go kɔmɔt insay dɛn famili layn.—Sɛkɛn Samiɛl 7:12, 16; Fɔs Kiŋ 9:3-5; Ayzaya 9:6, 7. |
Di ia 29 Jiova sho se na Jizɔs na di “pikin” we i dɔn prɔmis we go gɛt di say usay Devid bin sidɔm fɔ rul.—Lɛta Fɔ Galeshya 3:16; Lyuk 1:31-33; 3:21, 22. |
Di ia 33 Di snek we na Setan bin ambɔg di “pikin” we Gɔd bin prɔmis bay we i mek dɛn kil Jizɔs. Jiova gi am layf fɔ go na ɛvin ɛn i gri fɔ tek di sakrifays we Jizɔs bin don kam mek. Dat dɔn gi chans fɔ mek i fɔgiv sin dɛn ɛn fɔ mek Adam in pikin dɛn gɛt layf sote go.—Jɛnɛsis 3:15; Di Apɔsul Dɛn Wok [Akt] 2:32-36; Fɔs Lɛta Fɔ Kɔrint 15:21, 22. |
Arawnd 1914 Jizɔs trowe di snek we na Setan, na di wɔl fɔ mek i de de fɔ shɔt tɛm.—Rɛvɛleshɔn 12:7-9, 12. |
Tumara Bambay Jizɔs go put Setan na jel fɔ 1,000 ia, dɔn i go kil am. I go tan lɛk se i dɔn nyamanyama in ed. Wetin Jiova bin want fɔ mɔtalman ɛn fɔ di wɔl go bi lɛk aw i want am, i nɔ go gɛt badnem igen, ɛn i go sho se di we aw i de rul na di kɔrɛkt we.—Rɛvɛleshɔn 20:1-3, 10; 21:3, 4. |