23 Kɛ mi Muuse dimul nda aa: “Chɛhowa dimi lende ni. Kanifuule, paale pɛŋgiaaleŋ le cho siɔdii ni. Nduyɛ paaleŋ ndeŋ le cho paale diandaa Chɛhowa o hɔl.+ Lelaŋ, o nya nɔ pɛ le beedii toosiaa, la toosiaa. Nduyɛ o nya nɔ pɛ le yau, la yau,+ okoŋ mi la kɛsi o tɔ cho lo wo haaa siɔdii idii.”

13 “Dimul Isɔluɛiya aa, ‘Sawa ya dɔu a paale nile pɛŋgiaaleŋ okɔɔ wo, la nɔ mi la bii ndu.+ Kanifuule, tamasioo cho koŋ naa tɛɛŋ naa nyaa ni le fɛɛŋ a fɛɛŋ, le mi la sina maa ya Chɛhowa hɛli nya ni le mi la wa wanaa niaa teŋgeŋnda. 14 La nɔ mi la ke Paale Pɛŋgiaaleŋ bɛɛleŋ, kanifuule paale diandaa leŋ le cho le nya ni.+ Wana o wana nɔɔliaa leŋ pɛ, o nɔ mbo sɔla piɔmndo. Nduyɛ wana o wana tosa wallo o leŋ choo pɛ, wana koŋ nɔ mbo sɔla piɔmndo.+

12 “‘La loonuŋ a Paale Pɛŋgiaaleŋ, mi le wa le diandaa mɛɛ Chɛhowa Mɛlɛka nyaa dimul nya yɛ.+ 13 La nɔ mi la tosa walta nyalaŋ kpou o palɛi i ŋɔmpum bɛŋgu.+ 14 Kɛ paale ŋɔmmɛu leŋ, paale pɛŋgiaaleŋ le cho le Chɛhowa Mɛlɛka nyaa ni.+ Nya ni, puaa nyaa ni, chuauwaa nyaa laanduaa ni, buɛiyaa nyaa piaanduaa ni, buɛiyaa nyaa laanduaa ni, nau towa ni, sofɛlɛ ni, chɔluaa nyaa ni, a mialaa cho o chieeŋ nyaŋ bɛndoŋ* niŋnda kpou,+ la nɔ mi la tosa wali o wali o paale leŋ choo le,+ le halikpeŋ mi chiaa nyaa piaanduaa a chiaa nyaa laanduaa pɛŋgi maa nya.+