49 Wana soliaa lasalaa cho chua youwa a ŋiɔɔŋ, yɔm sida wo, kola ipɛŋgɛ siaŋaa, a yɔm hisɔpi wo,+ le halikpeŋ mbo dindi chiɛi koŋ. 50 Wana soliaa lasalaa cho youwo o pilɛ diyɔɔ o nyɛi laandii nda toosiaa a puuloo, mi mɛŋma nda kɔndu sɛnɛi o peelo waŋ ma wa leniŋ nde choo. 51 Okoŋ mbo chua yɔm sida wo, yɔm hisɔpi wo, kola ipɛŋgɛ siaŋaa, a you lo yoomu wo, mbo yiŋ o kooma you nda dii koŋ o mɛŋma nda kɔndu sɛnɛi o peelo waŋ choo wo niŋ, mbo fasaŋiaa maŋ bɛmbɔɔ le ŋɔmmɛu+ o chiɛi koŋ. 52 O cho chiɛi koŋ dindi a kooma you koŋ, mɛŋma nda kɔndu sɛnɛi o peelo waŋ, you lo yoomu wo, yɔm sida wo, yɔm hisɔpi wo, a kola ipɛŋgɛ siaŋaa. 53 O cho you lo yoomu wo malɔɔ mbo kuɛŋnuŋ yondoo niŋ, mbo soli sala malɔɔ lahakioo le chiɛi koŋ, nduyɛ mbo simnuŋ o diandaa.

6 Nduyɛ mi wana soliaa lasalaa chua yɔm sida wo, yɔm hisɔpi wo,+ a kola ipɛŋgɛ siaŋaa, mbo wuu o yiŋnde nauwo cho wa ŋɔɔ leŋ niŋ.

9 “‘Wana cho o diandaa wo nɔ mbo kɔndu pulta nau koŋ,+ mbo soli laŋ o dɔɔŋgɔɔ niŋ, mbo kɔ kɛsi laŋ o fondaŋ diandaa. Nduyɛ, Isɔluɛiya nɔ ma kɛsi pulta laŋ le mɛŋma dindi wana waŋ toosiaa.+ Nau koŋ cho* sala hakioo ni.

 7 Wɔɔsuu haki nuu a yɔm hisɔpi wo, le halikpeŋ mi dendu fo.+

Pulu ya mi dendu fo fo, mbo hiou feŋgbɔɔ.+