• Sam 52:diomnda taselaŋ-9
    Baabuiyo-Hivioo le Chieeŋ Sɛnɛiyo

    • O wana sim lachi le chondei yo lo. Masiki.* Chondii Deeve soli teleŋ Duɛki Idɔmaitiinɔɔ kuɛ mbo kɔ dimul Sɔɔ maa Deeve kuɛ o chiɛi Ahimɛlɛki wo wo.+

      52 Num wana dɛnɛ wɔɔŋndo hoo, vɛ ma wa yoŋgaa kiolɔɔ le sɔɔŋ dɛnɛ wɔɔŋ ŋ cho tosaa woŋ?+

      Kaala lo lechoo Mɛlɛka wo cho le teleŋ o teleŋ.+

       2 Diɔɔmule numndeŋ le cho le luɛiyaa maa ikuusu,+

      Le sɔɔŋ wɔɔŋndoŋ kɛɛsiaa a choolaŋ dimioo.+

       3 A kaala dɛnɛ wɔɔŋndo mbo hiau nyɛ cho o kɛndɔɔ wo,

      Nduyɛ a kaala choolaŋ dimioo mbo hiau tonyaa. (Sila)

       4 Diomnda tɛɛmbuu waŋnda kɔllo laŋ ŋ kaala ni.

      Diɔɔmule numndeŋ le nɔ bɔɔ choolaŋ!

       5 Le saboo hoo Mɛlɛka cho num tɛɛmbuu le fɛɛŋ a fɛɛŋ ni.+

      O cho num biyɔɔ mbo soli num o tɛndii numndo niŋ.+

      O cho num faŋa wanaa cho yoomu wa tɛɛŋ bau.+ (Sila)

       6 Wanaa sandaa cho ndi chɔ, nduyɛ mi kɔndɔfillo bii nda,+

      Okoŋ ma mam ndu.+

       7 “Waŋndo opum cho, o siiŋguu Mɛlɛka naa nduaa viaŋnaŋnda le.+

      Kɛ mbo tiindaŋ sul ndɔ bɛndoo,+

      Vɛlɛ a sɔɔŋ wɔɔŋ o kɛɛsiaŋ o kɔl le tosaa woŋ.”

       8 Kɛ ya, I cho wa maa yɔm ɔlifii kɛndɛ kɛndɛ cho o tualaa o chiɛi Mɛlɛkaa wo,

      Nduyɛ mi dɔu tiindaŋ nuu o kaala lo lechoo Mɛlɛkaa niŋ,+ le fɛɛŋ a fɛɛŋ.

       9 I cho num saŋgala le fɛɛŋ a fɛɛŋ le nyɛ ŋ tosa wo.+

      I cho tiindaŋndo dɔwɔɔ o diola numndaŋ niŋ,+

      Wanaa chɔm lo lechoo wo o numndo wa kpou lachi, kanifuule keŋ bɛnda le tosaa ni.