22 O lɛŋnde Isɔluɛi leŋ niŋ kpou, Anakimnɔɔ o pilɛ bɛɛ lo le, mɛɛ o+ Kaasa+ niŋ, Kaati,+ a o Asidɔɔ+ niŋ ma lo.

8 Le hei, ma chuuŋgiaa waŋ banaa Filitiaŋnda kpou naapilɛ, ma nyuna nda aa: “Yɛɛnɛ naŋ tosa yɛ a Kɔfu Mɛlɛka Isɔluɛiya?” Ma muli aa: “La chua Kɔfu Mɛlɛka Isɔluɛiya mi la kuɛ a ndu Kaati.”+ Okoŋ, ma kua a Kɔfu Mɛlɛka Isɔluɛiya loŋ.

4 Mi kuubanɔɔ fula o dɔɔŋgɔla Filitiaŋnda niŋ diolaŋ Koolaya,+ wana waa Kaati.+ Nduyɛ, bandii nduɛi wa nɛiyo le ŋɔmahiɔɔlu a nyɛ lechoo.*

2 Le hei, mi Deeve nda puaa 600+ wa a ndu latulu wa mal ma kua o Akisi+ lo po Mawoki wo, masaa le Kaati.

56 Oo Mɛlɛka, tuiinuŋ ya inyiɛɛ, kanifuule waŋnda chieeya chiŋalaŋ ya.*

Lepaa o lepaa, a cho ya delɔɔ choo a sɔŋgɔɔ ma tusi ya nyɛpalaa choo.

 2 Lepaa o lepaa, yaamɔɔwa cho ya touwɔɔ le ma bii ya.

Wanaa bɔɔbɔɔ chiŋalaŋ ya a yoŋga le sɔŋgɔɔ.

 3 Te I wa pɛ a siooŋnde,+ o num niŋ ya duau tiindaŋndo ni.+

 4 Mɛlɛka ya tiindaŋ ni, o ya saŋgala diomnda ndɔlaŋ ndo.

O Mɛlɛka niŋ ya tiindaŋ ni, lelaŋ I nɔ isiooŋ te.

O yɛɛnɛ wanachioo nɔla yɛ mbo tosal la?+

 5 Lepaa o lepaa, a cho ya kɔllo tɛɛmbuuwo.

Yiyaŋ nda nɔ a ya okɔɔ kinɛiyo cho le ya nyɛpalaa tusioo choo ni.+

 6 Ma veŋnuŋ le ya delɔɔ choo.

 7 Tusi nda nyɛpalaa choo le dɛnɛ nda wɔɔŋndo.

Oo Mɛlɛka, tɛɛmbuu nda a kɔl num tuuwo.+

 8 A sina kelala nilaŋ kpou.+

A yandii, dɔu mɛmɛma niaŋ o bɔlɔ num yau visioo niŋ.+

Sɔɔŋ kindilaŋ cho ya choo woŋ kpou, ŋ cho ŋ poonyiaa o yau numndo niŋ.+

 9 Paale ya cho num veelu le ya malaa leŋ, yaamɔɔwaa niaa cho nyaanɔŋ.+

I sina kɛsɛ maa Mɛlɛka cho a ya latulu.+

10 Mɛlɛka ya tiindaŋ ni, o ya saŋgala diomnda ndɔlaŋ ndo.

Chɛhowa ya tiindaŋ ni, o ya saŋgala diomnda ndɔlaŋ ndo.

11 O Mɛlɛka niŋ ya tiindaŋ ni, lelaŋ I nɔ isiooŋ te.+

O yɛɛnɛ wanachioo nɔla yɛ mbo tosal la?+

12 Oo Mɛlɛka, buŋgaŋ ya chuel num ndoŋ cho ya kuee.+

I cho num chondoŋ solul le num balikaa mello.+