-
Sam 88:diomnda taselaŋ-18Baabuiyo-Hivioo le Chieeŋ Sɛnɛiyo
-
-
O wana sim lachi le chondei yo lo. Chondii puaa Kolua+ ve. Chondei. Le ndi solioo a kena kenaŋndo a mɛɛ Mahalati* chomul lɛ. Masiki* Himaŋ+ ndo, Ɛsiluahaitiinɔɔ.
88 Oo Chɛhowa, Mɛlɛka piŋi ya wo,+
Idii mi chaŋ naa num chua,
Nduyɛ Ichɔl mi muliŋ o numndo le ya malaa.+
4 I cho niŋ waŋndo o pilɛ o wanaa nɔ le kɔlaŋ o sooŋndo* niŋnda tɛɛŋ.+
I simnuŋ wana nɔ wana malaa le wo.*+
5 I cho ihini waŋvilɛiya tɛɛŋ,
Mɛɛ wana vilɛiyo wa nuaa ihini o sɛiyo niŋ yɛ.
A yiyaŋ lɛ a ndu le,
Nduyɛ a faŋa ndu kɔllo* choo.
6 A mal la o sooŋ yiŋgilɛi nɔ lamɛɛlu le wo niŋ,
Naa nyumndaŋ ma cho kpiŋgbi wa.
7 Tumbe ŋ dɔɔnuŋ a ya wo lusul bɔɔ.+
Nduyɛ sɔɔŋ ŋ tosa woŋ cho ya kindilaa, mɛɛ mɛŋndaŋ ma wa nuaa nyɔɔ lɔɔ ikpoku kpokuei yɛ. (Sila)
8 A tou wanaa naŋ siiniaŋ nda ma kua landaŋ a ya.+
A tosa mi simnuŋ nyɛ siouwɛi nda o hɔl.
I hau o yaŋɔɔleŋ, nduyɛ I tiuba mi hɛluŋ te.
9 Hɔltaŋ la yɔŋnuŋ ya dɔfɔŋ dɔfɔŋ a nyɛ nɛiyaa cho ya choo wo.+
Oo Chɛhowa, I niilu chaŋndo kpɛŋ naa num chua.+
I tɛilul num bala nilaŋ.
10 Baa wanaa vi wa nɔla lɛ pa ma che walta numnda kɔndɔfiltaŋ?
Baa a nɔla lɛ pa ma chɛŋ ma saŋgala num?+ (Sila)
11 Baa wanaa cho o sɛiyo niŋnda nɔla lɛ niŋ pa ma soo a kaala lo lechoo numndo okɔɔ,
Vɛlɛ a naŋɔɔ numndo o fondaŋ waŋnda sɔla tambei yo?*
12 Baa wanaa cho o nyumma kpiŋgbiaŋ niŋnda nɔla lɛ niŋ pa ma sina a walta numnda kɔndɔfiltaŋ okɔɔ?
Ɔɔ baa a sina lɛ niŋ pa a sakpoyɛi numnde okɔɔ o lɛŋnde nda puɛɛnuŋ a nda okɔɔ leŋ niŋ?+
13 Oo Chɛhowa, I cho wɔ chaŋndo kɛ o numndo le ya malaa.+
Idii o idii, mi nyuna num o piɛileŋ niŋ.+
14 Oo Chɛhowa, le yɛɛ ŋ kɛɛ yɛ ya?+
Le yɛɛ ŋ viŋ yɛ ya hɔlaa numnda?+
15 Chɔŋ o feleŋgɔyɛi nii niŋ,
Sɔɔŋ palaŋ kpu cho ya komallo ni, nduyɛ I cho o bɛɛndiaŋ le piɔmndo sɔlaa.+
I yɔŋnuŋ niŋ tindiŋ a sɔɔŋ palaŋ ŋ chɛl miŋ wa ya saaŋgiaa woŋ.
16 Kɔl num tuu bɛndoo kumbu ya kpu.+
Siooŋii numnde tɛɛmbuu ya.
17 Siooŋii numnde niilu ya i balaa silɔ maa mamɛŋ.
Ba o ba ya muliŋ pɛ, i cho loŋ.
18 A tou chaaŋaa niaa a wanaa niaa kaalaa, ma kua landaŋ a ya.+
Nduyɛ, nyumndaŋ ma cho niŋ chaaŋ nuu ni.
-