5 Mbo dimul nda aa: “Nyɛ nya nɔ mi la tosa wo cho hoo ni: O kundala yaala nɔ le mɛŋgɛlaa o Paale Pɛŋgiaaleŋ choo laŋ tɛɛŋ, kundaa o pilɛ nɔ mbo wa chiɛi lemasaa hɔlteŋ choo,+ 6 mi kundaa o pilɛ wa o Dio Kpaki Chiyii Chiɛiyo, nduyɛ mi kundaa o pilɔɔ sim o dio wanaa manda chiɛi lemasaa wa kɔɔli. Okoŋ mi la wa siŋgafilaŋndo le chiɛi Mɛlɛkaa* waa hɔlteŋ choo. 7 Kundala tiɔɔŋnda laa nɔ le pɛŋgioo o Paale Pɛŋgiaaleŋ choo laŋ, la nɔ mi la wa chiɛi Chɛhowa wo hɔlteŋ choo le masaa mandaa. 8 La nɔ mi la balu masaa silɔ, nduyɛ mi wana o wana bii nyɛm ndɔŋ chɔuwoŋ o ba. Wana o wana luɛi nya tɛɛŋ pɛ, o nɔ mbo sɔla piɔmndo. Ba o ba masaa kuɛ pɛ,* la kɔ a ndu latulu.”

22 Wanaa nda hɛli le diolaŋ mandaa wa kpou, a wa 212. Mɛɛ nda poonyiaa yuŋgula nda fula choo laŋ kpɛ kpɛ o lepula yɛ,+ lende nda wa ichali o fondaŋnda ndalaŋ ni. Deeve nda Saamiɛɛ wana cha wo+ yulu nda iso ni le waltaŋ ndaŋ tosaa, le mɛɛ nda tiindaŋ o nda niŋ yɛ. 23 Nda a puaa ndaa wa diola chiɛi Chɛhowa wo mandaa ni,+ o wa tɛndiiyo wo. 24 O kpeŋguŋ hiɔɔloŋ wanaa ndaa manda diola tɛndiiyo wa wa ni, ba paaleŋ le chaŋ ndo, ba le del lo, ba luaŋ ndo, a ba tou wo.+ 25 Teleŋndaŋ lapum, wanayaŋ ndaŋ muŋ nɔ miŋ mal o chalta ndalaŋ, ma hiŋ le wallo tosaa latulu a nda le palɛi i ŋɔmmɛu.

26 Wanaa manda diola kpakilaŋ nda cho haa ni a kundala ndalaŋ:+ o pulale Kolua leŋ choo Misiɛlimaya,+ po Koluɛ wo, fulaa o yuŋgu Asafi wo choo.