10 “Te Chɛhowa Mɛlɛka nyaa kuɛ pɛ a nya o lɛŋnde o chuel finyaa nyaa mamaa, Ebilaham, Aase, a Chekɔpu buŋgɛi le nya kioo leŋ niŋ,+ lɛŋnde nɔ chieeŋ bɛnduŋ kɛndɛ kɛndɛŋ nya teŋgul te woŋ,+ 11 chiɛila nya teŋgul te laŋ, mi la wa la piaa cha a nyɛm kɛndɛ kɛndɔŋ, sooŋnda mamɛŋnda nya tuu le laŋ, kpelela makilepiilaŋ a ɔlifiima nya tol te waŋ, okoŋ mi la wa diolaŋ mi la hini kɔl,+ 12 la mandaŋ, yɔŋii nya puɛɛnuŋ a Chɛhowa,+ o soli nya o chɛleŋ niŋ o lɛŋnde Ichipi leŋ niŋndo.

28 Mɛɛ haki wanaa kialaa ŋyamaa ndaa tusi ya nyɛpalaa choo wo wa koŋ wa ni.

Mɛɛ chɔmndo ya wa koŋ ni maa I mulul Mɛlɛka tonyaa kɔɔ.

 4 Sullo* nɔ niŋ tɔnɔ o tɔnɔ o paale kɔl tuuleŋ choo le.+

Kɛ sakpoyɛi cho nyɛ piŋi niŋ wana o piɔmndo niŋndo ni.+

28 Wana dɔu tiindaŋndo o sul ndɔɔ niŋndo cho delɔɔ.+

Kɛ wana sakpoo cho wa a kɔl kɛndɛ mɛɛ billo pui nuaa tɛɛ tɛɛ yɛ.+

 4 Saaŋgiaa numpila le halikpeŋ ma sɔla sullo le.+

Pɛŋgi hei tosaa, nduyɛ ma nɔ sinapɛŋgoo.*

 5 Handu kɔllo o nyɛsɔlaa choo le, kanifuule mbo lo o lepilɛ niŋ kpe.+

O nɔla mbo vil kumbaŋndaŋ maa kowɛ mbo kuɛŋnuŋ choo choo o halaa niŋ.+

19 “La pɛŋgi nyɛm sulaŋ chuuŋgiaa o lɛŋndeŋ choo,+ naa ŋ nɔla miŋ sɔwa ɔɔ mi kaaŋguaa de muŋ, te koŋ te mi viiya luɛi ma chiimbuu muŋ nda.

24 “Waŋndo ve buɛiyo le masaa a ŋiɔɔŋ te. Kanifuule, te hoo o kaala ni, o tul o pilɔɔ leyɛ.+ Te hoo o diikuŋ ni, o diikuŋ o pilɔɔ le. Lelaŋ, wana ve buɛiyo le Mɛlɛka, ma wa vɛlɛ buɛiyo le nyɛsɔlaa le.+

36 Te waŋndo sɔla pɛ nyɔɔŋ o chieeŋndo niŋ kpou, kɛ nduyɛ mi yoomu ndɔɔ hɛluŋ ndu o muŋ nuuviaa niŋ, tɔnɔ yɛɛ wa yɛ o keŋ niŋ?+

15 Okoŋ, mi Chiisu dimul waŋnda aa: “La mandaŋ, yɔŋii nya luɛi hɔlteŋ o nyɛm faŋga faŋga,+ kanifuule o yɔŋ bɛɛ mi waŋndo nɔ nyɔɔŋ tau, o cho muŋ te ke ndu yoomoo le.”+

17 Sila wanaa sulaa o chieeŋndo hoo niŋ maa a heeluŋ te, nduyɛ maa a duau tiindaŋ ndaa o sulta cho hunɔɔ tambu laŋ niŋ te.+ Kɛ a dɔu tiindaŋ ndaa o Mɛlɛka niŋ, o yɔŋgu naa nyɔɔŋ tau tau le miŋ de muŋ tɔnɔ wo.+

16 Kanifuule, nyɛ o nyɛ cho o chieeŋndo niŋ, chɔŋ a yeemaŋ ŋdialloŋ,+ hɔlte nyɛ kɛndɔɔ,+ kɔ bii a yoŋgaa kiolɔɔ a nyɛm waŋndo nɔ woŋ, o cho o Finya naa lo le ŋ fula le, kɛ o chieeŋndo niŋ ŋ fula ni.