9 “Nyɛ nya nɔ le tosaa kinɛiyo cho ni maa, la nɔ mi la wa yekeŋ, nduyɛ mi la mandaŋ, yɔŋii nya puɛɛnuŋ sɔɔŋ nya che woŋ, nduyɛ mi kɔlta nyalaŋ la faŋaŋ o muŋ choo o yoomu nyaa niŋ kpou. La nɔ vɛlɛ mi la pɛɛku chuauwaa nyaa a chuauwaa nyaa mamaa sɔɔŋ muŋ.+

6 Sawala ya cho nya laŋ hau kioo laŋ, la nɔ mi la kɛsiŋ ndaŋ o lakɔl. 7 La nɔ mi la pɛɛku chuauwaa nyaa laŋ,*+ nduyɛ mi la wa suɛi o nda lo a laŋ okɔɔ, te la wa ichali o la nya lo chiɛiniŋ pɛ, te la wa kɔlaŋ o nɛi pɛ, te la wa hinilaŋ pɛ, nduyɛ te la chɛŋ pɛ.+

21 la dimul nda aa, ‘Ŋ wa o chɛleŋ niŋ Feloo o ba bɛŋgu o lɛŋnde Ichipi leŋ niŋ, kɛ mi Chɛhowa soli naa loŋ a kpaaya ndɔ bɛndoo.

18 “La kɛsiŋ diomnda ya dimul nya laŋ ndaŋ o kɔl, nduyɛ mi la tosa nyɛ la dimi wo o yoomu* nyaa niŋ. La yiinuŋ ndaŋ o laba le mi la loonuŋ a laŋ okɔɔ, nduyɛ mi la yiinuŋ ndaŋ o ŋtendu maa tamasi.+ 19 La pɛɛku chuauwaa nyaa laŋ, nduyɛ mi la wa suɛi o nda lo a laŋ okɔɔ, te la wa ichali o la nya lo chiɛiniŋ pɛ, te la wa kɔlaŋ o nɛi pɛ, te la wa hinilaŋ pɛ, nduyɛ te la chɛŋ pɛ.+

6 le mi la wa maa tamasi le nya. Te chuauwaa nyaa huŋ nyuna nya pɛ aa, ‘Le yɛɛnɛ nya kɛsi yɛ poutaŋ ndaŋ?’+ 7 la dimul nda aa: ‘Le mɛɛ Chɔɔdaŋ ndaŋ ma pɛŋgi hiouwɔɔ kɔfu kpema+ Chɛhowa wo lachi yɛ. Mɛɛ nda hiŋ le ndu tɛɛŋguuwo, mi mɛŋndaŋ ma pɛŋgi hiouwɔɔ. Poutaŋ ndaŋ la cho wa le waŋnda Isɔluɛi loonɔŋndo le fɛɛŋ a fɛɛŋ.’”+