39 Mbo dimul nda aa: “Wanaa dɛnɛ wɔɔŋnda a wanaa sendu a Mɛlɛka le wa, kaamaa nda cho nuuviaa ni. Kɛ kaama cheleŋ tosaŋ lɛ niŋ kposoŋ te, mɛɛ kaama yɔŋnuŋ a Chona wo, wana ndoo suaa le Mɛlɛka wo.+ 40 Kanifuule, mɛɛ Chona chii palɛi i yaa a nyumndaŋ ma yaa suu bɛndu bɛndoo o dembe yɛ, lende koni Po wanachioo cho chii palɛi i yaa a nyumndaŋ ma yaa+ o sɛiyo niŋ ni.

4 Wanaa dɛnɛ wɔɔŋnda a wanaa sendu a Mɛlɛka le wa, kaamaa nda cho nuuviaa ni. Kɛ kaama cheleŋ tosaŋ lɛ niŋ kposoŋ te,+ mɛɛ kaama yɔŋnuŋ a Chona wo.”+ Okoŋ, mbo mɛi nda loŋ mbo kuaŋnuŋ.

29 Mɛɛ faŋgaa wa chuuŋgiaŋndo, mi Chiisu kandu dimioo aa: “Waŋnda teleŋndo hoo a cho wanaa dɛnɛ wɔɔŋ bɛndu. Kaamaa nda cho nuuviaa ni. Kɛ kaama cheleŋ tosaŋ lɛ niŋ kposoŋ te, mɛɛ kaama yɔŋnuŋ a Chona wo.+ 30 Mɛɛ nyɛ yɔŋnuŋ Chona wo wa maa tamasi le waŋnda Ninivɛɛ yɛ, lende koni Po wanachioo wa niŋ le waŋnda teleŋndo hoo ni.