28 Lende koni Po wanachioo tosa ni. O hiŋ le mi wana tosal ndu wali le. Kɛ le mbo tosal waŋnda wallo,+ nduyɛ mbo yɔŋgu yoomu ndɔɔ le wanaa bɔɔbɔɔ baŋaa.”+

3 Chiisu ndoo sina maa Finya ndɔ chii ndu nyɛ o nyɛ fee ke. Ndoo sina maa o Mɛlɛka lo o fula ni, nduyɛ maa loŋ o wa vɛlɛ miiŋgoo ni.+ 4 Le hei, mɛɛ nda wa nyɛdiaa ichɔllo dioo, mbo chaŋ mbo soliŋ doma ndɔ lechoo wo lekɔɔ mbo kɛsi. Mbo chua tawɛiyo mbo yiinuŋ o chaŋ.+ 5 Okoŋ kɔɔli, mbo wou mɛŋndaŋ o hɛŋgɛiyo niŋ, mbo kandu buɛiyaa nduaa peloŋ pulɔɔ, nduyɛ mbo wɔɔsuu muŋ a tawɛi wa ndu o yiyaa o chaŋ ndo.

5 Mɛɛ Chiisu Kiliti ndoo yiyaŋ yɛ, nya bɛɛ la nɔ yiyaŋ pilɛ koŋ kpe.+ 6 Mi che bɛɛ o wa maa Mɛlɛka,+ kɛ le pilɛ bɛɛ o del kɔl le siimaŋndo a ndu le.+ 7 Kɛ mbo mal nyɛ o nyɛ ndoo nɔ, mbo simnuŋ maa chɛ.+ Okoŋ, mbo simnuŋ wanachioo.+