9 La sina nuaa maa wanaa sendu le wa luei niŋ o Masale Mɛlɛkaleŋ niŋ te le?+ La hui nyapila le. Wanaa kaa ihini nɔɔlɛiya,*+ wanaa sooluu piɔmnda wa,+ wanaa suundɛiya,+ waŋ piaanduaa chɛl mi waŋ piaanduaa hini a nda wa,+ waŋ piaanduaa hini a waŋ piaanduaa wa,+ 10 viiya, wanaa nɔ hɔlte bɛnduleŋ nda,+ wanaa kolaa,+ wanaa yiou waŋnda wa, a wanaa chua nyɛm pilaŋ a lediɔɔmu wa luei niŋ o Masale Mɛlɛkaleŋ niŋ te.+ 11 Lende nya pumnda wa paandu ni. Kɛ mi Mɛlɛka pulu nya,+ mbo dindi nya fo.+ Mbo siiŋguu nya wanaa sandaa+ o diola Masanɔ naa Chiisu Kiliti laŋ niŋ vɛlɛ a nyina diandaa.

3 A tonya, naa kpou lende naŋ wa ni. Ŋ wa yeemaŋ naŋ ŋdialloŋ tolɔɔ kɔɔli.+ Nduyɛ nyɛ ndoo huŋ naa o lebollo, ndu naŋ tosa ni.+ Chɔŋ a violɔŋ naa, kɔl tuu Mɛlɛkaa wa naa choo+ maa waŋnda a tuaa.

3 Kanifuule, naa bɛɛ diɔmnda naŋ wa paandu ni. Naŋ tui Mɛlɛka diom te. Ma faŋa naa o nɛi tonyaa choo. Ŋ wa chiaa le yeemaŋ a yelelaŋnda suu o suu. Ŋ wa sɔɔŋ wɔɔŋndoŋ tosaa. Ŋ wa paŋaliaŋndaŋ. Wanaa wɔɔŋ wɔɔŋnda naŋ wa ni. Nduyɛ ŋ wa yɛleŋ tulnaŋndo.