Sam
O wana sim lachi le chondei yo lo. Le ndi solioo a nyɛm chaaŋ iyooŋ. Chondii Deeve ve.
4 Oo Mɛlɛka ni cho sakpo wo,+ te I piɛi num pɛ, yandii muli ya diom.
Bɛɛndial la fondaŋ ya viaŋnuŋ* o dɛnɛ ni palaa niŋndo.
Tuiinuŋ ya inyiɛɛ, nduyɛ ma yaŋ nilaŋ o piɛile nileŋ.
2 Nya chuauwaa ŋwaŋnda chiee, le vɛɛ kpɛ nya cho yɛ hiouwɔɔ lachi a ya bɛɛlaŋ tɛɛmbuuwo?
Le vɛɛ kpɛ nya cho yɛ hiouwɔɔ lachi a sɔɔŋ fondoŋ kaalaa, mi la nuuviaa nɛilaŋ le choolaŋ dimioo? (Sila)
3 La loonuŋ maa mi Chɛhowa bii wana chɔm lo lechoo wo o ndu lo wo o nɛi teŋgeŋndo choo.*
Te I piɛi pɛ o Chɛhowa lo, o cho ya nilaŋ yaŋɔɔ.
4 Dɔɔnuŋ tumbe, kɛ tosa hakioo le.+
Lo o numndo kpele, ma kɛsiŋ nyɛ ŋ yeema le dimioo wo o kɔl, nduyɛ ma meinuŋ doŋ. (Sila)
5 Soli salalaŋ o nɛi sakpoo choo,
Nduyɛ ma tiindaŋ o Chɛhowa niŋ.+
6 Wanaa bɔɔbɔɔ cho dimioo aa: “O nɛɛnɛ cho yɛ tosa miŋ che nyɛm kɛndɔŋ?”
Oo Chɛhowa, tosa mi nyɛ teŋgaa hɔlaa numnda dendu naa choo.+
7 A tosa mi nyaaloo pia ya o kɔl cha,
Mbo hiau wanaa pei chiɛila ndalaŋ a kulloŋ vɛlɛ a muɛima sɛnɛiyaŋ nda.
8 I cho ihini nduyɛ mi lɔlnuŋ kpooŋ o kɔl nyulu niŋ.+
Kanifuule num Chɛhowa, numpilɛ kpe tosa ni mi wa hɛnɛkɛ.+