Choobu
26 Mi Choobu dimi aa:
2 “La yiyaŋ pa maa la mala niŋ wana nɔ kpaaya le wo?
Nduyɛ la piŋi niŋ pa wana choŋgula ndɔlaŋ la yɔkpa wo?+
3 La yiyaŋ pa maa la ke niŋ wana nɔ taasi le wo sila kɛndɔɔ?+
Nduyɛ mi la wa pa fɛɛsɛŋ le ndu taasila nyalaŋ pɛɛkoo?
4 O nɛɛnɛ lo nya cho yɛ suɛi?
Nduyɛ nɛɛ dimul lɛ nya le sɔɔŋ waa nuaa dimioo?
5 Wanaa vilɛiya nɔ kpaaya le, nduyɛ ma nyiiya Mɛlɛka lachi.
Wanaa cho o sɛilaŋ niŋnda, mɛŋndaŋ a nyɛ o nyɛ cho leniŋ hiou nda lehɔɔya.
6 Mi Mɛlɛka* che nyɛ o nyɛ cho o Sɛiyo* niŋ,+
Nduyɛ fondaŋ wanaa kua o tambei* niŋnda cho kpendekele Mɛlɛka o hɔl.
8 O simbul mɛŋndaŋ o halaa niŋ mɛɛ nda simbul nuaa nyɔɔ o kolaa niŋ yɛ.+
Nduyɛ, lusul mɛŋma maŋ ma nɔla mi ma buli halaa le.
10 Mbo kila nyɛ tiilaŋndo o mɛŋndaŋ choo,+
Okoŋ mbo handu pɛŋgulaŋ nyɛ teŋgaa tɛɛŋ a nyumndaŋ.
11 Mi suŋgbuma saa choo choo waŋ ma hiiluŋ,
Nduyɛ te Mɛlɛka soo pɛ ma nyiiya.
12 Mbo muuluu pee mɛŋma ihɛllo a kpaaya ndɔɔ.+
Mbo soliŋ sinapɛŋgu ndɔɔ kpeku le nyaa yoomaa bɛnduaa cho o pee mɛŋma ihɛllo niŋnda*+ kili kilioo.
13 Te o yoomu pɛ fuu,* halaa teŋga wakee.
Mbo sɛɛsiaa kɛu wɔɔŋ wɔɔŋndo a bala ndɔlaŋ.
14 Sɔɔŋ o tosa woŋ, nyɛɛmbɔ koni cho muŋ ni.+
Sɔɔŋ bɛnduŋ o tosa woŋ, nyɛɛmbɔ koni naŋ tuei a muŋ okɔɔ ni!
Mɛɛ nɛɛnɛ nɔla yɛ mbo sina mɛɛ kpɛ Mɛlɛka cho o bɛndu yɛ?”+