Sam
YAU TASOO
(Sam 1-41)
1 Kɔl kɛndɔɔ cho le wana tul hoo sila wanaa dɛnɛ wɔɔŋnda kɔɔli le wo,
Wana sim hoo o nɛi wanaa lahakiaa choo le wo,+
2 Kɛ o nɔ yeemɛi tau o sawala Chɛhowa laŋ niŋ,+
Nduyɛ idii a ichɔl, mbo veelu diomndaŋ o sawala ndɔlaŋ niŋ toolo toolo.*+
3 O cho wa mɛɛ yɔmndo wa nuaa o tualaa o pioo kɔŋgɔ,
Mbo wa komɔɔ a boondii o nɔ le komɔɔ ve yɛ.
Le teleŋ o teleŋ pei nduɛi nyɔfɔliaa le.
Nduyɛ nyɛ o nyɛ wana koŋ tosa pɛ, batiuwaa o sɔla ni.+
4 Kɛ wanaa dɛnɛ wɔɔŋnda cho lende le.
A cho ko mɛɛ hueiye hɔŋ nuaa tɛfɛlaŋ, mi la saŋnuŋ yɛ.
5 Le saboo hoo, wanaa dɛnɛ wɔɔŋnda lo niŋ isisi o paale kɔɔsɔleŋ choo le.+
Nduyɛ, wanaa tosa sɔɔŋ wɔɔŋndoŋ nda bɛɛ lo niŋ isisi wanaa sandaa tɛɛŋ te.+
6 Kanifuule, Chɛhowa cho chɔɔ walta wanaa cho sakpo wa cho tosaa laŋ,+
Kɛ o cho walta wanaa dɛnɛ wɔɔŋnda tɛɛmbuu.+