Sam
97 Chɛhowa simnuŋ Masaa!+
Maa lɛŋndeŋ le wa a kɔl kɛndɛ.+
Maa lɛŋii mɛŋndaŋ ma balu ve kpou dɔɔnuŋ nyaale.+
2 Nyumma kpiŋgbima bɛnduaŋ ma cho ndu ma balaa silɔ.+
O sakpoyɛi a o sandei choo kpeŋgei* ndɔ lemasaa chal ni.+
4 Paŋgele ndɔ leyiŋndo tosa mi nyɛ teŋgaa wa o lɛŋndeŋ choo.
Nduyɛ mɛɛ lɛŋndeŋ le che hei, mi le nyiiya.+
5 Pembuŋ bɛndoŋ teŋga Chɛhowa lachi maa waa malɛ.+
Ŋ teŋga Masaa le lɛŋndeŋ kpou lachi.
6 Choo choo cho sakpoyɛi nduɛi yondaa,
Nduyɛ mi waŋnda kpou wa naŋɔɔ ndɔɔ chɔɔ.+
7 Maa siɔmbulaŋ la bii wanaa sooluu piɔmnda wa kpou,+
Wanaa kialu haa yoŋgaa o mɛlɛkaa ndaa fonduaa niŋnda.+
Nya mɛlɛkaa kpou, la beŋ ndu wulaŋ.*+
8 Waŋnda Saayɔŋ tuei ma duaunuŋ nyaale.+
9 Kanifuule num Chɛhowa, o lɛŋndeŋ choo kpou, num cho Mɛlɛka Hiou Kpou Wo ni.
A cho o bɛndu ma hiau mɛlɛkaa cheleŋnda kpou.+
10 Nya wanaa kaala Chɛhowa wa, la tul o wɔɔŋndo leyɛ.+
11 Nyɛ teŋgaa dendu wanaa cho sakpo wa choo,+
Nduyɛ mi wanaa cho sakpo o kɔltaŋ niŋnda duaunuŋ nyaale.
12 La dɔɔnuŋ nyaale o Chɛhowa niŋ nya wanaa cho sakpo wa,
Nduyɛ mi la mel ndu balikaa le* diola ndɔla diandaa laŋ.