Aisaya
46 Bɛl baŋ wulaŋ,+ mi Nibo naŋguŋ.
A dovi piɔmaa ndaa chɔluaa kua a wolɔɔlaŋ nda o lakɔɔ.+
Piɔmnda haa cho ko maa wolɔɔla lusulɛila yɔɔkpiaa chɔluaa wa.
2 A tunduŋ nduyɛ ma baŋ wulaŋ diompilɛ.
A nɔla ma piŋi wolɔɔlaŋ te,*
Nduyɛ ndapila bɛɛ cho lakɔ o biyɔɔ niŋ.
3 “La yaŋ ya nilaŋ nya yuŋgu Chekɔpu wo, a wana o wana lo o yuŋgu Isɔluɛi yo niŋ,+
Nya ya toolu chɔŋ teleŋ nya wa o demboo niŋ haaa mi la huŋ sɔla violɔŋndo wa.+
4 Haaa mi la yuuwa, I siŋgaŋ te.+
Haaa mi yuluŋnde fula nya, I cho hiouwɔɔ lachi a nya tooloo.
Mɛɛ ya tosa niŋ paandu yɛ, I cho lakɔ a nya, mi toolu nya, nduyɛ mi piŋi nya.+
6 Waŋnda apum cho, ma soli kooliiyoŋ o bɔlɔla ndalaŋ niŋ, ma hulu muŋ kpeŋjeŋ.
Ma handu kaniŋ humboŋ o sekeleiyo choo le lusul ndɔɔ sinaa.
Ma paawa* wana tosa wallo a chiliŋndoŋ ndo, le mbo toosial nda mɛlɛka.+
Okoŋ ma beŋ ndu wulaŋ, ma sooluu ndu.+
7 Ma chua ndu o lachoŋgu,+
Ma kuɛ a ndu o fondaŋ ndɔɔ, okoŋ ma kɔ simi ndu loŋ.
O nɔla mbo faŋaŋ o fondaŋ ndɔ koŋ te.+
Ma chaŋ choo choo o ndu lo le malaa, kɛ o mulul nda le.
Nduyɛ, o nɔla mbo piŋi wana o wana o nyɛpalaa niŋ te.+
8 La loonuŋ hei, nduyɛ mi la sɔla kɔl dɛɛniaa.
La kɛsiŋ hei o kɔl nya wanaa yɔŋ wɔɔŋnda haa.
9 La loonuŋ sɔɔŋ yɔŋnuŋ o paandoo niŋ pa* woŋ maa ya cho Mɛlɛka ni,
Nduyɛ Mɛlɛka o Mɛlɛka cheleŋ cho o ya kɔɔli le.
Ya cho Mɛlɛka ni, nduyɛ Mɛlɛka o Mɛlɛka cho maa ya le.+
10 Chɔŋ o kandɔŋndo, mi dimul nya sɔɔŋ nɔ le yɔŋnɔŋndo woŋ.
Nduyɛ le teleŋ vilɛi niŋ, mi dimul nya sɔɔŋ yɔŋnuŋ ndɔ bɛɛ le woŋ.+
11 I cho you biyaa veelu ba paaleŋ le chaŋ ndo,+
Mi veelu waŋndo o lɛŋnde cho landaŋ ndeŋ niŋ le kɛɛsiaa* nuu tosaa.+
Ya soo ni, nduyɛ I cho ndi tosa.
Ya kɛɛsiaa ndi ni, nduyɛ I cho ndi vɛlɛ tosa.+
12 La yaŋ ya nilaŋ, nya wanaa nilakaluaa* haa,
Nya cho haa landaŋ a sakpoyɛi wa.
I cho Saayɔŋ piŋi, nduyɛ mi chɔm Isɔluɛi naŋɔɔ nuu.”+