Polowaa
17 O bɛnda mi wana de beedii* vesɛiyo naa kɔl nyuloo cho wa,*+
Mbo hiau waa o chiɛi dunyaŋ cho ŋ piaa cha,* kɛ mi sɛɛŋgiaŋndaŋ la wa leniŋ ndo.+
2 Buɛi nɔ sinapɛŋgoo wo cho simnɔŋ masaa le po masanɔ ndɔ cho sɔɔŋ lasiɔmboŋ tosaa wo.
Ndu bɛɛ cho nyɛm kɛŋ masanɔ ndɔɔ sɔla maa chua vialaa o pilɛ.
4 Wana dɛnɛ wɔɔŋndo hɛnaŋ nilaŋ yaŋɔɔ o diomnda wɔɔŋnda waŋnda dimi laŋ.
Nduyɛ wana hui waŋnda wo, sɔɔŋ wɔɔŋ waŋnda dimi woŋ o hɛnaŋ nilaŋ yaŋɔɔ ni.+
5 Wana o wana mam pɛ wana bala fondoo, mɛɛ o yei Wana Toosiaa ndu wo.+
Nduyɛ wana o wana dɔɔnuŋ pɛ nyaale le kpundɛ komal waŋndo wo, ndu bɛɛ kpundɔɔ cho ndu komal.+
6 Chuauwaa mamaa, mɔsil lemasaa nda cho ni le bɛnduaa yuuwa.
Nduyɛ finyaa,* nda cho naŋɔɔ puaa ndaa* ni.
7 Wana o wana ve diɔmndo kɔl le mbo dimi sɔɔŋ kɔl kaloŋ* te.+
Nduyɛ, o bɛnda mi masaa* dimi choolaŋ te.+
8 Kioo cho ko maa pou sɔvɛ sɔviɔɔ le wana nɔ ndu wo.+
Nduyɛ ba o ba o hiou pɛ, mi pou koŋ chuu ndu batiuwaa.+
9 Wana o wana mal pɛ waŋndo haki, mɛɛ kaalaa o cho nuuviaa ni.+
Kɛ mi wana lambaŋ suɛi a nyɛ nda tosal ndu wo okɔɔ wo pɛl chaŋyɛi kpɛɛluŋnde.+
10 Wana nɔ sinapɛŋgoo wo miŋgioo o nɛi mbo yiyaŋ lechoo yiŋgoloŋ,+
O bɛnda mbo hiau diɔmndo fukpaa bɛmbɔɔ kɛmɛ.+
11 Wana dɛnɛ wɔɔŋndo, sɔɔŋ nilakaloŋ kinɛi o nuuviaa le tosaa ni.
Kɛ a cho kiilanɔ kɔl vesɛiyo viomɔɔ le mbo kɔ tusi ndu nyɛpalaa choo.+
12 O bɛnda mi wana komal sulukoo mɔnɛi biyɔɔ le chuauwaa nduaa nda kuɛŋnuŋ nda,
Mbo hiau diɔmndo komallo sɔɔŋ ŋdiɔmndoŋ tosaa.+
13 Wana o wana miŋgi pɛ suɛi wɔɔŋnde le suɛi kɛndɛ nda tosal ndu ve,
Suɛi wɔɔŋnde feŋaŋ o chiɛi ndɔɔ le.+
14 Sɔŋgɔɔ kandɔɔ cho ko mɛɛ nda kumbi nuaa mɛŋma nda kanda waŋ yɛ.*
Tuupa mi sɛɛŋgiaŋndo kanduŋ, faŋaŋ loŋ ma kuɛŋnuŋ.+
15 Wana mal hoo wana dɛnɛ wɔɔŋndo mbo dimi maa o tɛɛmbuu isɔɔ le wo, a wana tusi hoo wana tɛɛmbuu isɔɔ le wo nyɛpalaa choo wo,+
Nda kpou Chɛhowa tul nda leyɛ.
17 Mi chaŋyɛi kpeekpeiye chɔm kaalaa le teleŋ o teleŋ,+
18 Wana nɔ kɔl kalu bɔɔ le wo tosa chɛlaŋndo wana nda chiɛɛliaŋ ndo o hɔl ni,
19 Te waŋndo kaala sɔŋgɔlaŋ pɛ, mɛɛ o kaala hakioo.+
Wana o wana handu pɛ dio ndɔ o luɛi yo naa filioŋnda, kpundɔɔ o veeluŋ choo ni.+
20 Wana sendu o kɔllo niŋ te wo sɔla batiuwaa le.*+
Nduyɛ wana o wana kaala pɛ sɔɔŋ hui waŋnda woŋ dimioo, o cho delɔɔ o kpundɔɔ niŋ.
21 Wana o wana wa pɛ finyaa le chua diɔmndo, o cho kɔl tambɛiyo sɔla.
Nduyɛ wana o wana wa vɛlɛ pɛ finyaa le chua nɔ kɔl kalu le wo, o sɔla nyaale le.+
22 Kɔl kɛndɔɔ, kooma kɛndiaŋ pila o cho ni.+
Kɛ kɔl tambɛiyo ndu, sɔɔsiaa o sɔɔsiaa wana yoomuaŋ ni.*+
24 Wana nɔ sinapɛŋgoo wo nɔ yeemɛi le taasioo nuuviaa,
25 Po diɔmndo, kɔl tambɛiyo o chuu finya ndɔ ni.
Nduyɛ, mbo ke wana velu ndu wo kɔl nɛiyaa.+
26 Wana sakpoo dɛnɛ palaa tusioo choo* cho suɛi kɛndɛ le.
Nduyɛ wana o wana lɔɔ pɛ wana waŋnda nɔ bɛɛleŋ le ndu wo, mɛɛ a tul nyɛ cho sakpo wo leyɛ.
27 Mi wana nɔ kɔl kaloo wo hɛli diomnda o suaa laŋ nyɛkɛndɛi.+
Nduyɛ, wana nɔ sinapɛŋgoo wo keleŋa tumbe dɔɔnɔŋ te.+
28 Hali diɔmndo bɛɛ te o meinuŋ pɛ o sɔɔŋ pum niŋ, mi waŋnda che maa o nɔ taasioo.
Nduyɛ wana nɔ sinapɛŋgoo wo, ndu bii sondo ndɔɔ ni.