Sam
Chondii Deeve ve.
26 Oo Chɛhowa, yaasiaa ya, kanifuule I chɔm lo lechoo wo o numndo.+
Chɛhowa ya tiindaŋ ni, nduyɛ siooŋii cho ya le.+
2 Oo Chɛhowa, yaasiaa ya, nduyɛ ma dɔu ya o tofaa bɛŋgu.
Yaasiaa yiyaŋnda nila yiŋgoloŋndaŋ* a nyɛ cho ya o kɔllo niŋndo.+
3 Kanifuule, le teleŋ o teleŋ I cho yiyaŋndo o kaala lo lechoo numndo choo,
Nduyɛ I cho kɔlaŋ o tonya numndo choo.+
6 Oo Chɛhowa, I cho bala nilaŋ pulɔɔ le chɔmndo maa I tɛɛmbuu isɔɔ o isɔɔ le,
Nduyɛ mi balu bandu luamaa lasala numndo,
7 Le mi mel num balikaa choo choo kpeleŋ,+
Nduyɛ mi soo a walta numnda kɔndɔfiltaŋ kpou okɔɔ.
10 Kanifuule bala ndalaŋ la cho o sɔɔŋ lasiɔmboŋ niŋ,
Nduyɛ mi bala ndala kɛndɛlaŋ la wa la piaa cha a luɛiyɔɔla niŋndaŋ.
11 Kɛ ya ya, I cho lakɔ o nɛi sakpoo choo.
Piŋi* ya ma tuiinuŋ ya inyiɛɛ.
12 I cho isisi o fondaŋ nyɛ o nyɛ yɔŋnuŋ ya le wo choo.+
I cho Chɛhowa saŋgala+ o kunda bɛndu wanaa cho ndu piɛiyo wa tɛɛŋ.