Sam
א [Alɛfi]
I cho Chɛhowa saŋgala a kɔl nuu kpou,+
ב [Bɛti]
Te wanaa cho sakpo wa chuuŋgiaŋ pɛ naapilɛ a o kunda wanaa laalaŋnda niŋ.
ג [Kimɛɛ]
2 Walta Chɛhowa laŋ la cho la bɛndu,+
ד [Dalɛti]
Nduyɛ mi wanaa nɔ yeemɛi o laŋ niŋ nda kpou pɛɛku a laŋ okɔɔ.+
ה [Hee]
3 Sɔɔŋ o tosa woŋ cho sɔɔŋ tɔɔma vɛlɛ a sɔɔŋ kɔndɔfili bɛndu,
ו [Wau]
Nduyɛ sakpoyɛi nduɛi cho le fɛɛŋ a fɛɛŋ.+
ז [Sayin]
4 Mbo tosa mi waŋnda loonuŋ a walta ndɔla kɔndɔfiltaŋ.+
ח [Hɛti]
Chɛhowa nɔ kɛndɛi a nyiɛɛye.+
ט [Tɛti]
5 Mbo ke wanaa nɔ siooŋii nduɛi ya nyɛdiaa.+
י [Yodi]
Mbo loonuŋ a kpema ndɔɔ le fɛɛŋ a fɛɛŋ.+
כ [Kafi]
6 Mbo chɔm wanaa nduaa walta o tosa a kpaaya ndɔɔ laŋ,
ל [Lamɛdi]
Mɛɛ o ke nda nyɛm kɛŋ waŋnda o kaalaŋ niŋ.+
מ [Mɛmi]
7 Walta o tosa a bala ndɔlaŋ ndaŋ la cho tonya nduyɛ la cho sakpo.+
נ [Nuŋ]
Nyɛ o nyɛ o dimi pɛ, wana nɔla ma tiindaŋ ndu.+
ס [Samɛki]
8 Le teleŋ o teleŋ la cho walta wana nɔla ma tiindaŋ,
ע [Ayiŋ]
O tonyaa choo a o sakpoyɛi choo o tosa laŋ ni.+
פ [Pe]
9 O tosa mi wanaa nduaa sɔla baŋaa.+
צ [Sadi]
O dimi le mi kpema ndɔɔ wa le fɛɛŋ a fɛɛŋ.
ק [Kilofi]
Diola ndɔlaŋ la cho la diandaa nduyɛ la cho diola tɔɔma bɛndu.+
ר [Luɛsi]
10 Te waŋndo nɔ pɛ siooŋnde le Chɛhowa, mɛɛ o kandu taasioo sɔlaa.+
ש [Shiŋ]
Wana o wana tosa pɛ nyɛ o dimi wo, mɛɛ o chɔm sinapɛŋgoo.+
ת [Tau]
Saŋgalaa cho wa le ndu le fɛɛŋ a fɛɛŋ.