Sam
Chondii Deeve ve.
138 I cho num saŋgala a kɔl nuu kpou.+
I cho chondei soli le num saŋgalaa
Mɛlɛkaa cheleŋnda o hɔl.
2 I cho wulaŋ baŋɔɔ kpeŋgii chiɛi num diandaa,+
Mi saŋgala diola numndaŋ,+
Le sabu kaala lo lechoo numndo a tonya numndo.
Kanifuule, a tosa mi nyɛ ŋ dimi wo a diola numndaŋ la sɔla tɔɔ mbo hiau nyɛ o nyɛ fee.
3 O paale leŋ choo mi veelu num, ma muli ya diom.+
Ma tosa mi nɔ kɔl simulaa a dialuŋ kalaŋ.+
4 Oo Chɛhowa, masaa o lɛŋndeŋ choo kpou cho num saŋgala,+
Kanifuule mi ndaa tuɛi a buŋgaŋ ŋ chua woŋ okɔɔ.
5 A cho chondoŋ soli a mɛɛ Chɛhowa tosa sɔɔŋ yɛ okɔɔ,
Kanifuule bɛɛle Chɛhowa leŋ le cho bɔɔ.+
6 Mi che bɛɛ Chɛhowa cho choo choo pɔ, kɛ hɔlte ndɔleŋ le cho wanaa tusiaŋnda choo.+
Kɛ wanaa heelaŋnda nda, a cho ndu levil.+
7 O yɔŋ bɛɛ mi wa kɔlaŋ o kpundɔɔ niŋ, a cho yoomu nuu manda.+
A siɛndi ba numndo le yaamɔɔwaa niaa cho a kɔl tuuwo wa chiŋalaŋndo.
Ba num kɛndɔɔ cho ya piŋi.
8 Chɛhowa cho nyɛ o nyɛ fee tosa le ya.
Oo Chɛhowa, kaala lo lechoo numndo cho le fɛɛŋ a fɛɛŋ.+
Puɛɛnuŋ a walta bala numndaŋ la tosa laŋ okɔɔ le.+