Luomaŋnda

12 Lelaŋ puaapiliaa niaa, le mɛɛ Mɛlɛka tuiinuŋ naa inyiɛɛ yɛ, I cho nya nyɔɔloo maa la yɔŋgu dialuŋ nyaŋ+ maa sala cho yoomu wo, o dendu+ nduyɛ mi Mɛlɛka chɛl ndu wo. La soliŋ yiyaŋ nyaa kpeku nyɛkɛndɛi o ndu piɛiyo niŋ.+ 2 La hiau lɛ lachi a kaalaŋ o chieeŋndo hoo niŋ tosaa le. Kɛ la siŋgaŋ mi la nɔ yiyaŋnda sɛnɛilaŋ.+ O hei niŋ, la nɔla mi la sina+ nyɛ cho o kɛndɔɔ Mɛlɛka o hɔl lo, a nyɛ cho hɛnaŋ ndɔɔ wo.

3 Le kɛndɛi bɛnduii Mɛlɛka tosal la ve, I cho wana o wana dimullo maa o chuaŋnuŋ ndupila o bɛndu mbo hiou mɛɛ o cho kpeekpei yɛ le.+ Kɛ, o nɔ mbo tusiŋ okoŋ mbo yiyaŋ mɛɛ Mɛlɛka ke ndu laalaŋndo yɛ.+ 4 Dialloŋ nɔ faloŋ tau.+ Kɛ muŋ kpou waltaŋ yɛ yɛ ŋ tosa ni. 5 Naa bɛɛ lende koni i cho ni. Mi che bɛɛ ŋ cho tau, kɛ dialle i pilɛ kpe naŋ cho ni, kanifuule ŋ cho o diompilɔɔ niŋ a Kiliti. Kɛ naa pilɛŋ pilɛŋnda kpou nyɔɔ o pilɛ kpe naŋ cho ni.+ 6 Naa kpou nɔ kelaŋ yɛ yɛ a mɛɛ Mɛlɛka chɔm naa kɛndɛi nduɛi bɛnduei yɛ.+ Te ŋ nɔ pɛ kioo le waŋnda diom Mɛlɛkaa dimullo, ŋ dimi ndu a mɛɛ kpɛ naŋ sɔla laalaŋndo yɛ. 7 Te le wallo tosaa ni, ŋ tosa ndu a kɔllo kpou. Te le waŋnda pɛɛkoo ni, ŋ nɔ miŋ pɛɛku nda a kɔllo kpou.+ 8 Te ŋ nɔ pɛ kioo le waŋnda kɔllo dɛɛniaa, ŋ nɔ miŋ wa nda kɔllo dɛɛniaa.+ Te le waŋnda nyɔɔŋ kioo ni, ŋ tosa ndi a ŋɔɔchiaŋ te.+ Te le chilaŋ chuaa ni, ŋ nɔ miŋ tosa ndi nyɛkɛndɛi.+ Te le waŋnda nyiɛɛye tuiinɔŋndo ni, ŋ nɔ miŋ tuiinuŋ nda inyiɛɛ a kɔllo kpou.+

9 Kaala nyaa wa kaala mulu muluaŋ te.+ La tul o wɔɔŋndo leyɛ,+ mi la saa nyɛ cho o kɛndɔɔ wo kpiŋ. 10 La nɔ kaalaa a nyiɛɛye nyapila wanaa laalaŋnda tɛɛŋ mɛɛ pɔmbɔɔ a bɛndoo kaaliaŋ vellaa velle yɛ. Wa wana tasoo le waŋnda bɛɛleŋ kioo.+ 11 Tosa wallo kalaŋ. Wa wana isiɛlɛi le.+ Chɛl mi nyina Mɛlɛkaa tosa ma nɔ dialuŋ fulaŋ.+ Tosa wallo le Chɛhowa* a kɔllo kpou.+ 12 Dɔɔnuŋ nyaale le tiindaŋ ŋ nɔ wo. Biunuŋ o nyɛpalaa bɛŋgu.+ Lambaŋ piɛileŋ.+ 13 Ke wanaa Mɛlɛkaa* cho o bahawɛiyo niŋnda nyɛ ŋ nɔ wo.+ Nuuviaa nɛilaŋ le acheleŋnda biyɔɔ nyɛkɛndɛi.+ 14 Dɔu wanaa tusi num nyɛpalaa choo wa sala.+ Dɔu nda sala, kɛ mɛna nda le.+ 15 Dɔɔnuŋ nyaale a wanaa cho a kɔl kɛndɛ wa latulu. Chaŋ a wanaa cho chaŋndo wa latulu. 16 Buulaŋ le acheleŋnda mɛɛ ŋ buulaŋ le numpila yɛ. Yiyaŋ maa a cho o bɛndu ma hiau chaanda le, kɛ chɔm kaa tusiaŋndo.+ Nduyɛ yiyaŋ maa a kendu kɔl ma hiau chaanda le.+

17 Te waŋndo tosal num suɛi wɔɔŋnde pɛ, miŋgul ndu maa le.+ Nyɛ bɛnda waŋnda kpede o hɔl lo, ndu ŋ tosa ni. 18 Tosa nyɛ o nyɛ ŋ tiuba le mi kɔl nyuloo wa nya tɛɛŋ nya wana o wana.+ 19 Chaaŋaa niaa, la wa wanaa miŋgiaa maa le. La mal Mɛlɛka pila o ba le mbo dɔɔnuŋ tumbe.+ Kanifuule i cho i poonyiaa aa: “Chɛhowa* dimi aa, ‘Ya cho wana miŋgi maa wo ni. I cho nda maa miŋgul.’”+ 20 Kɛ “te yiaaŋ ma wa pɛ yaamɔɔnɔ numndo nɛiyo, ke ndu nyɛdiaa mbo de. Te kolɔɔ bii ndu pɛ, ke ndu mbo kol. Te a tosa lende pɛ, mɛɛ dɛŋgultaŋ ŋ cho ndu laŋ hulɔɔ o lebol ni.”*+ 21 La chɛl mi suɛi wɔɔŋnde tiu nya ba le. Kɛ la hiou lachi a sɔɔŋ kɛndɔŋ tosaa le suɛi wɔɔŋnde tiuwo ba.+