Polowaa
23 Te a chal pɛ nyɛdiaa dioo a masaa latulu,
A nɔ ma yiyaŋ nyɛkɛndɛi a nyɛ cho num lachi wo.
2 Handuŋ muɛi o labolo,*
Te a nɔ pɛ pululeŋ tau.
3 Hiu yeemɛi nɔɔ le nyɛdiaa ndɔ yeelɛiyo le,
Yɔŋii nyɛdiaa koŋ luei num o yaŋɔɔleŋ niŋ.
4 Saaŋgiaa numpila le halikpeŋ ma sɔla sullo le.+
Pɛŋgi hei tosaa, nduyɛ ma nɔ sinapɛŋgoo.*
5 Handu kɔllo o nyɛsɔlaa choo le, kanifuule mbo lo o lepilɛ niŋ kpe.+
O nɔla mbo vil kumbaŋndaŋ maa kowɛ mbo kuɛŋnuŋ choo choo o halaa niŋ.+
6 Dia nyɛdiaa wana sɔŋgbɔɔŋndo le.*
Hiu yeemɛi nɔɔ le nyɛdiaa ndɔ yeelɛiyo le.
7 Kanifuule, i wa ko maa o cho konaa kɛsioo a mɛɛ kpɛ ŋ cho dio yɛ.
Mbo dimul num aa, “Dio ma kol,” kɛ o cho keŋ kpeekpei le o yiyaŋ te.*
8 Nyɛ o nyɛ ŋ de, a cho ndu kuusuu,
Nduyɛ ma mɛɛlu sina maa fondo fuu ŋ dimi sɔɔŋ kɛndɔŋ a ndu okɔɔ ni.
9 Suaa diɔmndo o lani le.+
Kanifuule sɔɔŋ taasi ŋ cho ndu dimul loŋ, o cho muŋ yɛleŋ tul.+
10 Faŋa pɛŋgula nda kɛsi sindɛ laŋ ma hivi laŋ lachi le,+
Nduyɛ hialu lɛŋnde wana nɔ finya le wo le.
11 Kanifuule, wana Suŋgu le* nda wo nɔ kpaayaa.
O cho suŋgɔɔ le nda, nduyɛ mbo simul num.+
12 Handu kɔllo o silaa choo,
Nduyɛ ma yaŋ nilaŋ o sɔɔŋ kɔl kaloŋ.
Lɔɔ ndu bɛɛ a sioŋndeŋ, o vi le laŋ te.
14 Sila ndu a sioŋndeŋ,
Le halikpeŋ ma piŋi ndu, o kue o Sɛiyo* niŋ te.
18 Keŋ tosa ma nɔ chila kɛndɛlaŋ,+
Nduyɛ tiindaŋ numndo kiluŋ niŋ lechoo le.
19 Yaŋ nilaŋ po nuu, nduyɛ ma simnuŋ wana taasi.
Manda kɔl numndo le ma kuɛ o nɛi kɛndɔɔ choo.
20 Tual wanaa kol muɛiyaŋ kolɔɔ bɛndoo wa kɔɔli le,+
Nduyɛ tual vɛlɛ wanaa lepuluaa kaala visioŋ tau wa kɔɔli le.+
21 Kanifuule, wanaa kolaa a wanaa lepuluaa, o bala fondolaŋ niŋ nda mɛɛlu ni.+
Luaŋ pila nda kaala ni, nduyɛ nyɛla yuululaŋ la wa nda lekɔɔ ni.
22 Yaŋ finya num nilaŋ o tosa ma vialu num ndo,
Nduyɛ chua kala num chɔdɔ le mɛɛ o yuuwa yɛ le.+
23 Piondu* tonyaa, nduyɛ fɛɛŋ bɛɛ pisi ndu le.+
Okoŋ ma pendu taasioo, silaa, vɛlɛ a sinapɛŋgoo.+
24 Mi finyaa dɔɔnuŋ nyaale te po ndɔɔ wa pɛ sakpo,
Nduyɛ mbo wa a kɔl kɛndɛ te po ndɔɔ wa pɛ wana taasi.
25 Kala num a finya num cho wa a nyaale,
Nduyɛ kala velu numndo cho wa a nyaale.
26 Po nuu, yaŋ ya nilaŋ a kɔl numndo kpou.
Nduyɛ, ma wa a kɔl kɛndɛ le nɛila nilaŋ tolɔɔ kɔɔli.+
27 Wana lanɔ suundɛiyo,* sooŋ yiŋgilɛiyo pila o cho ni.
Nduyɛ wana lanɔ kaa nɔɔlɛiyo, sooŋ sɔɔkɛnyɛɛ wo o cho ni.+
28 Mbo hini chumndo maa viiyaa del waŋnda choo wa.+
Nduyɛ, mbo tosa mi waŋ piaanduaa sendu le wa kui tau.
29 Nɛɛ yaa kpundɔɔ komallɛ? Nɛɛ yaa wa yɛ o kɔl landɛiyo niŋ?
Nɛɛ yaa mallɛ sɛɛŋgiaŋndaŋ? Nɛɛ yaa nda biilul lɛ seilaŋ?
Nɛɛ yaa booluŋ yɛ o fondo fuuwo choo? Nɛɛ yaa hɔltaŋ la diu yɛ yɔɔ?*
30 Nda cho wanaa chua teleŋndo tau le muɛiyaŋ kolɔɔ bɛndoo wa ni,+
Wanaa nuuviaa* muɛima muuliaŋ ndaŋ nda.
31 Chɛl mi muɛima siaŋaŋ ma hui num te,
Ma wa bɛɛ huuloo pesu pesu o taalaa niŋ, nduyɛ maa te a kol maŋ pɛ ma tol num o labolo vili vili.
32 Kanifuule o mɛɛlulaŋ, mi ma kel mɛɛ kɛuwo kial nuaa yɛ.
Nduyɛ mɛɛ lolo hɔɔlɔɔ cho nuaa yɛ, lende ma nɔ pɔsɔnioo ni.
33 Okoŋ ma kandu nyɛm ŋ chi paandu le woŋ chɔɔ,
Mi kɔl numndo nyindu num le sɔɔŋ wɔɔŋndoŋ dimioo.+
34 Nduyɛ ma cheŋnuŋ mɛɛ waŋndo wa nuaa ihini o pee mɛŋma ihɛllo tɛɛŋ yɛ,
Ɔɔ mɛɛ waŋndo wa nuaa ihini o dɛndɛ mamɛŋ bɛndoo tullo yɛ.
35 Okoŋ ma dimi aa: “A fukpa ya, kɛ I sinaŋ te.*
A lɔɔ ya, kɛ I sina a ndi okɔɔ le.