Sam
O wana sim lachi le chondei yo lo. Le ndi solioo a nyɛm chaaŋ iyooŋ. Masiki.* Chondii Deeve ve.
55 Oo Mɛlɛka, yaŋ nilaŋ o piɛile nileŋ.+
Puɛɛnuŋ a chaŋ ya cho naa num chua le ma tuiinuŋ ya inyiɛɛ yo le.*+
2 A yandii yaŋ ya nilaŋ ma mulul la.+
Buulaŋ nuu tosa I lɔl te,+
Nduyɛ I cho a kɔl tambɛiyo tau,
3 A nyɛ yaamɔɔnɔɔ cho dimioo wo,
Vɛlɛ a mɛɛ wana dɛnɛ wɔɔŋndo cho ya kindilaa yɛ.
A deŋgela ya kpundɔɔ choo,
Nduyɛ a kɔl tuu bɛndoo ma kɛsiŋ nɛiyɔŋ nuu o lakɔl.+
5 Siooŋnde cho ya mi wa nyiiyaa kpa kpa,
Nduyɛ mi kpɛiyo bii ya.
6 Mi hiau lachi a dimioo aa: “Te yaa nɔ pɛ kumbaŋndaŋ maa piiŋ,
I wa chɔnɔŋ choo choo mi yaa kuɛŋnuŋ o fondaŋ ya waŋnuŋ hɛnɛkɛ wo.
8 I wa lakɔŋnɔŋ chɔ chɔ o fondaŋ ya viaŋnuŋ ndo,
Mi yaa nyaanuŋ hueiyii fuku fukuei, hueiyii tɔɔmɛi bɛnduei.”
9 Oo Chɛhowa, hiŋ nda hɔlla, ma tɛɛmbuu tuula ndalaŋ.*+
Kanifuule, I cho chɔɔ sɔŋgɔlaŋ a sɛɛŋgiaŋndaŋ o chioo niŋ.
10 Idii a ichɔl, a cho balɔɔ o kpakila ndɔlaŋ choo.
Yɛletulaaleŋ a kpundɛlaŋ la piaa leniŋ cha.+
11 Kpundɛlaŋ la cho ba o ba fee o chioo niŋ.
Le teleŋ o teleŋ, a cho waŋnda nyɛkindilaa handɔɔ choo nduyɛ ma hui nda o luŋ kpendekele.+
12 O cho yaamɔɔnɔ le cho ya yioulaŋ te.+
Te ndoo yɔŋ pɛ maa ndu, I wa biunɔŋ.
O cho yaamɔɔnɔ le chɛŋ le ya chiŋalaŋndo le.
Te ndoo yɔŋ pɛ maa ndu, I wa ndu vioŋnɔŋ.
14 Miŋ tuɛi chaŋyɛi kɛndɛ kɛndɛi yeela diompilɛ,
Nduyɛ mi naŋ kuɛ o chiɛi Mɛlɛkaa niŋ latulu a waŋnda faŋga bɛndoo.
15 Maa kpundɔɔ tol yaamɔɔwaa niaa choo ma sɔla tambei!+
Nduyɛ ma kuɛ o Sɛiyo* niŋ yoomu.
Kanifuule dɛnɛ wɔɔŋndo cho nda tɛɛŋ, nduyɛ mbo wa nda niŋ.
16 Kɛ le ya ndu, I cho Chɛhowa Mɛlɛka veelu,
Mbo piŋi ya.+
17 Chɔŋ idii haaa mi le del doŋ, I cho o kɔl tambɛi bɛndoo niŋ mi wa chaŋndo,+
Nduyɛ mbo tuɛi ya diom.+
18 O cho ya piŋi* wanaa chiŋalaŋ ya a sɔŋgɔɔ wa o ba, nduyɛ mbo ke ya kɔl nyuloo,
Kanifuule waŋnda faŋga bɛndoo chiŋalaŋ ya.+
19 Mɛlɛka, o cho ichali o kpeŋgbei* ndɔ lemasaa choo kani masindɛ wo,+
Cho tueiyɔɔ mbo mulul nda.+ (Sila)
Wanaa nɔ isiooŋ le Mɛlɛka le wa,+
A cho kɛɛ le siŋgaŋndo.
20 Mbo* chiŋalaŋ wanaa cho o kɔl nyuloo niŋ a ndu wa.+
O tɛɛmbuu kpema o yiiyo.+
Mɛɛ chuɛiyaŋ ma niŋgiliaa nuaa nyɔɔ yɛ, lende diomnda ndɔlaŋ la cho ni.
Kɛ la cho ko maa mɔɔŋ faŋuŋ luɛiyaŋ.+
22 Wuulul Chɛhowa kalaŋ numndo.+
O cho num mala.+
Fɛɛŋ bɛɛ o chɛl mi wana cho sakpo wo del te.+
23 Kɛ num, Oo Mɛlɛka, a cho nda tusi o sooŋ yiŋgilɛi bɛndoo niŋ.+
Wanaa huiyaa a wanaa diyaa nda nda, palɛi nda cho wa yoomu ve, tɛɛŋ bɛɛ a cho fuuluu le.+
Kɛ le ya ndu, o num niŋ ya cho tiindaŋ nuu dɔwɔɔ ni.