Sam
O wana sim lachi le chondei yo lo. Chondii puaa Kolua ve.+ A mɛɛ Alamɔti chomul lɛ.* Chondei.
46 Mɛlɛka cho naa naa viaŋnaŋnda a kpaaya naa ni.+
Wana malaa wana saaluŋ chɔ chɔ a teleŋ kpundɔɔ wo o cho ni.+
2 Le saboo hoo siooŋii cho naa le, o yɔŋ bɛɛ mi lɛŋndeŋ le hiiluŋ woku woku,
O yɔŋ bɛɛ mi pembuŋ bɛndoŋ koombiaa o lumuŋ pee mɛŋma ihɛllo niŋ,+
3 O yɔŋ bɛɛ mi mɛŋndaŋ o pee mɛŋma ihɛllo niŋ ma wa bɔɔluuwo mi ma kalaŋiaŋ a hiiyo,+
Nduyɛ o yɔŋ bɛɛ mi pembuŋ bɛndoŋ wa pesi pesioo le mɛɛ ma cho ikpoku kpokuei yɛ. (Sila)
4 Pioo cho o nɛŋi chiee bɛndu Mɛlɛkaa kɔllo wo,+
Chiɛi diandaa bɛndu Mɛlɛka Hiou Kpou Wo.
5 Mɛlɛka cho o chiee bɛndoo hoo niŋ.+ Lelaŋ wana nɔla ndu tɛɛmbuu le.
Mɛlɛka cho hunɔɔ idii puŋ le chioo hoo malaa.+
6 Wooluŋ wooluŋndo wa o kaalaŋ tɛɛŋ, mi masɛi del wɔ.
Mɛɛ Mɛlɛka deŋi choo choo, mi lɛŋndeŋ le teŋga.+
7 Chɛhowa, Mɛlɛka puaa chɔuwa cho a naa latulu.+
Mɛlɛka Chekɔpu wo cho fondaŋ kala kala naŋ viaŋnuŋ ndo ni. (Sila)
8 Huŋ ma che walta Chɛhowa tosa laŋ,
Sɔɔŋ kɔndɔfiliŋ o tosa o lɛŋndeŋ choo woŋ.
9 O cho chɔulaŋ o lɛŋndeŋ choo kpou chiiyo.+
O cho chiɔulaŋ yimioo, nduyɛ mbo tɛɛmbuu baltaŋ.
O cho nyɛm nyaanaŋ chɔuwoŋ* luumuuwo.
10 “La pɛŋgi chɔulabaa, nduyɛ mi la sina maa ya cho Mɛlɛka ni.