Sam
106 La saŋgala Chɛhowa!*
La mel Chɛhowa balikaa, kanifuule o cho wana kɛndɛ.+
Kaala lo lechoo ndɔɔ cho le fɛɛŋ a fɛɛŋ.+
2 O nɛɛnɛ kpeekpei nɔla yɛ mbo soo a walta bɛndula Chɛhowa laŋ okɔɔ,
Ɔɔ mbo chii isɔɔ a walta ndɔla tosa mbo sɔla saŋgalaa laŋ kpou okɔɔ?+
3 Kɔl kɛndɔɔ cho le wanaa tosa sɔɔŋ o sandei choo wa,
A tosa sɔɔŋ kɛndɔŋ le teleŋ o teleŋ nda.+
4 Oo Chɛhowa, loonuŋ a ya te a wa pɛ wanaa numnda nyiɛɛye tuiinɔŋndo.+
Manda ya a walta numnda piŋiaa laŋ,
5 Le mi tuei sɔɔŋ kɛndɛŋ ŋ tosal wanaa ŋ hɛli wa woŋ yeela,+
Nduyɛ mi dɔɔnuŋ nyaale a wanaa numnda latulu,
Le halikpeŋ mi pɛɛluŋ o num saŋgalaa niŋ a nyɛm kɛŋ numndoŋ latulu.
6 Ŋ tosa hakioo mɛɛ finyaa naa mamaa tosa yɛ.+
Ŋ tosa biondɔŋndo nduyɛ miŋ tosa suɛi wɔɔŋnde.+
7 Finyaa naa mamaa o Ichipi niŋ ndaa nɔ balika melaa le walta numnda kɔndɔfiltaŋ te.
A loonuŋ a kaala lo lechoo ŋ chɔm nda wo okɔɔ le,
Kɛ ma simul num o Pee Siaŋa Mɛŋma Ihɛllo.+
9 Mbo kpaa Pee Siaŋa Mɛŋma Ihɛllo, mi ma vela sɛɛŋ.
Mbo tosa ma kei o lɛŋnde vesɛileŋ choo naŋ chaa o pollo niŋ ni.+
11 Mi mɛŋndaŋ ma kumbu yaamɔɔwaa ndaa kpu,
Wana pilɛ bɛɛ chinda le.+
12 Okoŋ ma duau laalaŋndo o diomnde ndɔle mɛyaaleŋ niŋ,+
Nduyɛ ma kandu chondoŋ solioo le ndu saŋgalaa.+
13 Kɛ ma puɛɛnuŋ a nyɛ o tosa wo okɔɔ chɔ chɔ,+
A chum ndu le mbo dimul nda nyɛ nda nɔ ma tosa wo le.
15 Mbo ke nda nyɛ nda nyuna le ndu wo,
Kɛ mbo tusi nda naa wɔɔŋndo choo ma lo kɔsɔlaŋ haaa ma wu.+
17 Okoŋ mi lɛŋndeŋ le kumbiŋ mi le mial Detaŋ,
Nduyɛ mi le kumbu wanaa wa a Abailuam latulu wa kpou.+
18 Mi yiŋndeŋ le bii kunda ndaa tɛɛŋ wum,
Mi le luam wanaa dɛnɛ wɔɔŋnda.+
19 Ma toosiaa nau fɔŋndɔɔ a chiliŋnde Holuɛɛbi,
Nduyɛ ma beŋ ndu wulaŋ.+
20 Ma chua bɛɛle nda nɔ ma ke ya leŋ,
Ma yɔŋgu nyɛ nda tuula mbo velaŋ a nau dia billo wo.+
22 Ndu koni tosa vɛlɛ walta kɔndɔfiltaŋ o lɛŋnde Ham ndeŋ niŋ ni,+
Vɛlɛ a sɔɔŋ kɔndɔfilloŋ o Pee Siaŋa Mɛŋma Ihɛllo.+
23 Ndoo lo niŋ chobe mi ndoo tɛɛmbuu nda.
Kɛ mi Muuse, wana o hɛli wo luɛi nda tɛɛŋ
Le halikpeŋ mbo pɔlul kɔl, o tɛɛmbuu lɛ nda le.+
24 Okoŋ ma pɛɛsa lɛŋnde kɛndɛle o ke nda leŋ,+
Nduyɛ a dou laalaŋndo o diomnde ndɔle mɛyaaleŋ niŋ te.+
26 Le hei, mbo heelu baa mbo mɛnaŋ po a nda okɔɔ maa,
O cho nda basɔɔ tɛɛ o pollo niŋ.+
27 Nduyɛ, mbo tosa mi waŋnda o kaalaŋ niŋ del chuauwaa ndaa mamaa choo,
Ma sɛŋiŋ o lɛŋnde niŋ kpou.+
29 Ma pilaŋ ndu tana a sɔɔŋ nda wa tosaa woŋ.+
Le hei, mbo tusi nda naa wɔɔŋ wɔɔŋndo choo.+
30 Kɛ mɛɛ Finihaasi suŋgu le Mɛlɛka,
Mi naa wɔɔŋ wa waŋnda diuwo wo pɔlul.+
31 Le hei, mbo chua ndu maa wana sakpoo o cho ni,
Le fɛɛŋ a fɛɛŋ.+
32 Okoŋ kɔɔli ma pilaŋ vɛlɛ Mɛlɛka tana o mɛŋndaŋ Mɛluiba,*
Nduyɛ mi Muuse sɔla dɛnɛ palaa le sabu ndaa.+
37 Mi ndaa soli puaa ndaa
A chuaa ndaa laanduaa sala o nyinaa wɔɔŋnda lo.+
38 Ma hiau lachi a kooma puaa ndaa vɛlɛ a chuaa ndaa laanduaa
Tɛɛmbuu isɔɔ o isɔɔ le wa tɛɛmbuuwo,+
Mɛɛ nda soli nda salalaŋ o piɔmaa Kenanaitiiya lo.+
Okoŋ mi lɛŋndeŋ le nɔɔla a koowaŋ.
39 Ma simnuŋ a nɔɔlɛi a sɔɔŋ nda wa tosaa woŋ,
Nduyɛ ma muliŋ mɛlɛkaa cheleŋnda sooluuwo.+
40 Le hei, mi Chɛhowa duaunuŋ tumbe o kala kala a wanaa nduaa,
Nduyɛ mbo tul nyɛm kɛŋ ndɔŋ leyɛ.
41 Mbo hiau lachi a nda malɔɔ yaamɔɔwaa ndaa o ba,+
Le halikpeŋ mi wanaa tul nda leyɛ wa wa nda choo masa.+
42 Mi yaamɔɔwaa ndaa tusi nda nyɛpalaa choo,
Nduyɛ ma wa o kpaaya ndaa* bɛŋgu.
Nduyɛ mi ndoo tusi nda siɔmbulaŋ le biondɔŋnda ndalaŋ.+
44 Kɛ mi ndoo che nyɛkindilaa nda wa niŋndo,+
Nduyɛ mbo tuei chaŋnda nda wa naa ndu chua le malaa laŋ.+
45 Mi ndoo loonuŋ kpema ndɔɔ le sabu ndaa,
Nduyɛ mi kaala lo lechoo ndɔɔ ndoo tosa mbo tuiinuŋ nda inyiɛɛ.+
46 Mi ndoo tosa mi wanaa ndaa bii nda,
Ma kua a nda o chɛleŋ niŋnda kpou tuiinuŋ nda inyiɛɛ.+
47 Oo Chɛhowa Mɛlɛka naa, piŋi naa fɔ!+
Soli naa o lɛŋnde niŋ ma chuuŋgiaa naa naapilɛ,+
Le halikpeŋ miŋ mel diola numnda diandaa laŋ balikaa,
Nduyɛ miŋ saŋgala num a kɔl kɛndɛ.+
48 Maa Chɛhowa, Mɛlɛka Isɔluɛiya sɔla saŋgalaa
Le fɛɛŋ a fɛɛŋ.+
Maa waŋnda kpou dimi aa: “Amiina!”
Maa Chɛhowa sɔla saŋgalaa!*