Sam
Piɛile wana cho o nyɛkindilaa bɛŋgu wo mɛɛ o tambu kɔl mbo chɔm Chɛhowa bahawɛi ndɔɔ.+
102 Oo Chɛhowa, tuei piɛile nileŋ.+
Maa tuei chaŋ ya cho naa num chua le malaa wo.+
2 Viŋ ya hɔlaa numnda a teleŋ ya wa o nyɛpalaa niŋndo le.+
Yandii yaŋ ya nilaŋ.*
Muli ya diom chɔ chɔ te I piɛi pɛ o numndo.+
3 Kanifuule yoomu nuu cho loo pɛ mɛɛ kumnde lo nuaa yɛ,
Nduyɛ paala nilaŋ la tuulu kpɛi mɛɛ yiŋnda chieeloo tuulu nuaa yɛ.+
4 Kɔllo vesa ya sɛɛŋ mɛɛ paaleŋ le luaa nuaa billo mbo vesa yɛ,+
Kanifuule mi puɛɛnuŋ le nyɛdiaa nuu dioo.
6 I cho ko mɛɛ pɛlikaŋndo wa nuaa o pollo niŋ yɛ,
Nduyɛ I cho ko maa hu pɔmbɔ choŋnuŋ yololɛ o pɔmndo niŋndo.
7 I hini bɛɛ I nɔla mi lɔl te.*
I cho ko maa you cho ichali yololɛ o chiɛiyo choo wo.+
8 Lepaa o lepaa, yaamɔɔwaa niaa niilu ya mamɔɔ kpɛŋ.+
Nduyɛ, mi wanaa mam ya wa soliŋ diola nilaŋ kpeku le ya sendioo handɔɔ choo.
10 Le mɛɛ ŋ dɔɔnuŋ tumbe a ya o kala kala yɛ,
Ma chua ya ma viau ya fakolo.
12 Kɛ num Chɛhowa a cho lefafɛɛŋ.+
Tɔɔ numndo* cho wa le fɛɛŋ a fɛɛŋ.+
13 A tonya, a cho chɔnɔŋ ma tuiinuŋ Saayɔŋ inyiɛɛ,+
Kanifuule teleŋndo cho hoo ni le ma tuiinuŋ ndu inyiɛɛ.+
Teleŋ koŋ kpeekpei fuuluu hoo ni.+
15 Waŋnda o lɛŋnde niŋ kpou cho nɔ siooŋnde le diola Chɛhowa laŋ,
Nduyɛ mi masaa o lɛŋndeŋ choo kpou yɔŋ siooŋnde le naŋɔɔ ndɔɔ.+
18 A poonyiaa hei le wanaa cho hunɔɔ o chilaŋ niŋnda,+
Le halikpeŋ mi wanaa cho hunɔɔ violɔŋ nda saŋgala Chɛhowa.
19 Kanifuule o lo o fondaŋ ndɔ diandaa o choo choo niŋ pɔ mbo tofa lɛŋ.+
Chɛhowa lo o choo choo niŋ mbo tofa o lɛŋndeŋ choo,
20 Le mbo tuei kuŋnda wanaa cho o chiɛila manyumndaŋ niŋ a nyɛ nɛiyaa wa cho laŋ,+
Nduyɛ mbo chiindiaa wanaa nda kilul yamɛi le piɔmndo sɔlaa wa,+
21 Le halikpeŋ ma dimul waŋnda a diola Chɛhowa laŋ okɔɔ o Saayɔŋ niŋ,+
Nduyɛ ma saŋgala ndu Chulusalɛm,
22 Te waŋnda a masɛi chuuŋgiaŋ pɛ
Naapilɛ le Chɛhowa piɛiyo.+
23 O poonda ya yoomuma niaŋ o ba o lepilɛ niŋ kpe,
Nduyɛ mbo faŋa palɛi ya nɔ mi wa yoomu ve lechoo.
24 Mi dimi aa: “Oo Mɛlɛka nuu,
Kialu yoomu nuu o biŋgi le.
Num a cho le fɛɛŋ a fɛɛŋ.+
25 Sindɛ niŋ pa ŋ kila chiyii chieeŋndo ni,
Num toosiaa choo choo a bala numndaŋ ni.+
26 Nyɔɔŋ muŋ cho tambu, kɛ num a cho wa.
Ŋ cho siɔŋ mɛɛ domaa siɔŋ nuaa yɛ.
A cho muŋ siŋga miŋ lo pɛ, mɛɛ waŋndo siŋga nuaa domaa yɛ.
27 Kɛ num a siŋgaŋ te, nduyɛ fɛɛŋ bɛɛ wɔsila numndaŋ la mɛɛlu le.+
28 Chuauwaa buɛiyaa numnda cho waŋnɔŋ o ba ndaa choo yɛlɛkɛlɛɛ,
Nduyɛ mi chuauwaa ndaa mamaa bɛɛ wa le fɛɛŋ a fɛɛŋ num lachi.”+