Sam
Chondii Deeve ve. Teleŋ o wa sɔɔŋ tosaa maa wana seemɛi+ Abimɛlɛki lachi wo. Mi Abimɛlɛki tuau ndu, okoŋ mbo kuaŋnuŋ.
א [Alɛfi]
34 Le teleŋ o teleŋ, I cho wa Chɛhowa saŋgalaa.
Nduyɛ fɛɛŋ bɛɛ I pɛŋgi niŋ a ndu saŋgalaa le.
ב [Bɛti]
2 I cho yoŋgaa kiolɔɔ o Chɛhowa niŋ.+
Wanaa tusiaŋnda cho tueiyɔɔ, okoŋ ma dɔɔnuŋ nyaale.
ג [Kimɛɛ]
3 La ŋ saŋgalaŋ Chɛhowa latulu.+
La ŋ saŋgalaŋ diola ndɔlaŋ latulu.
ד [Dalɛti]
4 Mɛɛ ya nyuna Chɛhowa o piɛileŋ niŋ, mbo muli ya diom.+
Mbo piŋi ya o sɔɔŋ muŋ luei ya siooŋnde woŋ niŋ kpou.+
ה [Hee]
5 Wanaa dɔu tiindaŋ ndaa o ndu niŋnda cho wa a nyaale,
Nduyɛ siɔmbula tul niŋ nda le.
ז [Sayiŋ]
6 Mɛɛ wana nɔ hoo wana malaa le wo piɛi, mi Chɛhowa tuɛi piɛile ndɔleŋ.
Mbo piŋi ndu o dɛnɛla ndɔla palaalaŋ niŋ kpou.+
ח [Hɛti]
ט [Tɛti]
8 La dembi mi la che mɛɛ Chɛhowa cho wana kɛndɛ yɛ.+
Kɔl kɛndɔɔ cho le wana viaŋnuŋ o ndu lo wo.
י [Yodi]
9 Nya wanaa diandaa Chɛhowa wa kpou, la nɔ siooŋii nduɛi.
Kanifuule wanaa nɔ siooŋii nduɛi ya, nyɛ o nyɛ ve nda lepɛŋ te.+
כ [Kafi]
10 Mi che bɛɛ kpɔkuŋaa* fɔŋnduaa kpaayaa bɛnduaa nyau niŋ sɛɛŋ a yiaaŋ,
Kɛ wanaa cho Chɛhowa nuuviaa wa, nyɛ o nyɛ kɛndɛ ve nda lepɛŋ te.+
ל [Lamɛdi]
11 Puaa niaa, la huŋ mi la yaŋ ya nilaŋ.
I cho nya pɛɛku nyɛ o sim le siooŋnde nɔɔ le Chɛhowa wo.+
מ [Mɛmi]
12 O nɛɛnɛ cho yɛ nya tɛɛŋ mbo yeema le yoomu ndɔɔ tueiyɔɔ yeela,
Nduyɛ mbo yeema le mbo viou achal o kɔl nyulu niŋ?+
נ [Nuŋ]
13 Mɛɛ o manda diɔɔmule ndɔleŋ yɔŋii o dimi suɛi wɔɔŋnde,+
Nduyɛ mbo manda sondo ndɔɔ yɔŋii o dimi choolaŋ.+
ס [Samɛki]
14 Mulul yɔŋ wɔɔŋndo kɔɔ, ma tosa nyɛ cho o kɛndɔɔ wo.+
Nuuviaa kɔl nyuloo nduyɛ ma manda ndu.+
ע [Ayiŋ]
15 Wanaa cho sakpo Chɛhowa o hɔl la, hɔlte ndɔleŋ le cho nda choo.+
Nduyɛ te a chaŋ pɛ o ndu lo le malaa, mbo yaŋ nda nilaŋ.+
פ [Pe]
16 Kɛ mi Chɛhowa mulul wanaa tosa dɛnɛ wɔɔŋndo wa kɔɔ.
Nduyɛ o cho nda basɔɔ tɛɛ o lɛŋndeŋ choo, fɛɛŋ bɛɛ wana tuii lɛ a nda okɔɔ le.+
צ [Sadi]
17 Ma chaŋ naa Chɛhowa chua le malaa, mbo tuei nda diom.+
Mbo piŋi nda o dɛnɛla ndala palaa laŋ niŋ kpou.+
ק [Kilofi]
18 Chɛhowa cho kpɛɛluŋ a wanaa cho mɔnɛi biyɔɔ o kɔlta ndalaŋ niŋnda.+
Nduyɛ, mbo piŋi wanaa cho o kɔlta tambɛilaŋ niŋnda.+
ר [Luɛsi]
19 Mi sɔɔŋ palaŋ bɔɔbɔɔ komal wana cho sakpo wo.+
Kɛ o muŋ niŋ kpou, piŋioo Chɛhowa piŋi ndu ni.+
ש [Shiŋ]
ת [Tau]
21 Kpundɔɔ cho wana dɛnɛ wɔɔŋndo tolɔɔ choo mbo sɔla piɔmndo.
Nduyɛ, Mɛlɛka cho wanaa tul wanaa cho sakpo wa leyɛ wa yamɛi kilul.
22 Chɛhowa cho yoomula buɛiyaa nduaa piŋi.
Nduyɛ wana o wana veŋnuŋ pɛ o ndu lo, o kilul niŋ wana koŋ iyama le.+