Hibuluiya
8 Suɛi kulle o suɛi hei niŋ cho hei ni: Ŋ nɔ wana bɛndu wanaa soliaa lasala waa nuaa.+ Nduyɛ, o cho ichali o ba kɛndɛ Mɛlɛka bɛndoo choo o choo choo niŋ.+ 2 Ndu cho wallo o fondaŋ diandaa+ a o tɛndii kpeekpeiyo niŋ ni. Chɛhowa* pila simi tɛndiiyo hoo ni, o cho wanachiee le. 3 Wana bɛndu wanaa soliaa lasala kɛ kɛ, Mɛlɛka hɛli ndu ni le hunɔɔ a nyɔɔŋ, nduyɛ mbo solul ndu salaa. Lelaŋ, ndu bɛɛ ndoo nɔ mbo soli salaa o Mɛlɛka lo.+ 4 Te ndoo wa pɛ o lɛŋndeŋ choo, o ve wa wana soliaa lasala le.+ Kanifuule, wanaa soliaa lasalaa wa niŋ a mɛɛ Sawaa* dimi yɛ. 5 Walta waŋnda haa ndaa tosa laŋ, tamasioo a wunduleŋ+ ko la wa ni le nyɛm waa choo choo.+ Lende ko i yɔŋnuŋ a Muuse ni. Mɛɛ o wa tɛndiiyo taŋgullo, mi Mɛlɛka dimul ndu aa: “Taŋgul ndu mɛɛ mɛɛ ya chɔm num ndu o pembei choo yɛ.”+ 6 Ŋ che niko kpendekele maa wali Chiisu sɔla le tosaa wo, ndu hiou wa o sɔvɛ. Kanifuule, ndu koni cho vɛlɛ Mɛlɛka nda waŋnda chieeya tɛɛŋ+ le kpema sɔviɔɔ ni.+ Nduyɛ buŋgaŋ Mɛlɛka chua le kpemaa hoo yiiyo woŋ, muŋ hiou wa ŋ sɔvɛ.+
7 Te kpema tasoo ndoo nɔ sɔŋ te, mɛɛ kpema diiŋ ndɔɔ ndoo yeemaŋ lɛ le.+ 8 Kɛ mbo saaluŋ wanaa nduaa siɔuve o ŋdial. Kanifuule: “Chɛhowa* dimi aa, ‘Teleŋ cho fuuluu, I cho kpema sɛnɛiyo yii a waŋnda Isɔluɛi vɛlɛ a waŋnda Chuda. 9 Kpema koŋ ve niŋ maa kpema ya yii a finyaa ndaa mamaa, paale ya saa nda baa mi soli nda o lɛŋnde Ichipi+ leŋ niŋndo le.’ Mi Chɛhowa* dimi aa, ‘Kɛ a lo o kpema naŋ yiiyo choo le. Le hei mi mal nda.’
10 “Mi Chɛhowa* dimi vɛlɛ aa, ‘Te teleŋ koŋ hiou pɛ, kpema ya cho yii a waŋnda Isɔluɛiyo cho hoo ni. I cho tosa ma sina sawala nilaŋ, nduyɛ mi poonyiaa nda laŋ o lakɔl.+ I cho simnɔŋ Mɛlɛka ndaa, mi nda bɛɛ simnuŋ wanaa niaa.+
11 “‘Wana o wana pɛɛku niŋ wana nda fula o lɛŋnde pilɛleŋ niŋ ɔɔ wanayɛi nduɛi, mbo dimul ndu aa, “Sina Chɛhowa”* le. Kanifuule nda kpou cho ya sina, chuaambɔ ni, kaasoŋnɔ ni. 12 I cho nda malɔɔ haki le yɔŋnda ndala wɔɔŋndaŋ, nduyɛ fɛɛŋ bɛɛ I loonuŋ lɛ niŋ laŋ kposoŋ te.’”+
13 Te Mɛlɛka soo pɛ a “kpema sɛnɛiyo” okɔɔ, mɛɛ o siiŋguu o tasoo nyɛ paandu.+ Nduyɛ, te nyɔɔ simnuŋ pɛ o paandu, mbo siɔŋ, mɛɛ o hiŋ faŋaŋ.+