Polowaa
2 Wana taasioo, sɔɔŋ kɔl kaloŋ fula ndu o sondo ni.+
Kɛ diɔmndo ndu, sɔɔŋ ŋdiɔmndoŋ o dimi ni.
3 Hɔlte Chɛhowa leŋ le cho ba o ba fee,
Nduyɛ wana kɛndɛ ni, wana wɔɔŋ ni, o cho nda chɔɔ.+
4 Diomnda kɛndɛla fula waŋndo o sondo laŋ, la* cho ko maa yɔm yɔŋgu yoomoo wo.+
Kɛ mi sɔɔŋ hui waŋnda woŋ dimioo tɛɛmbuu wana kɔllo.
6 Mi nyɛm baa kalaŋ wa ŋ piaa cha o wana cho sakpo wo lo chiɛiniŋ,
Kɛ wana dɛnɛ wɔɔŋndo, kpundɔɔ kɔmnde ndɔleŋ le chuu ndu ni.*+
7 Wana nɔ taasioo wo, sɔɔŋ kɔl kaloŋ o dimi ni.+
Kɛ diɔmndo ndu, kɔl ndɔɔ cho lende le.+
9 Chɛhowa tul nɛila wana dɛnɛ wɔɔŋndo leyɛ,+
Kɛ o kaala wana kindiŋ le sɔɔŋ tosaa o nɛi sakpoo choo wo.+
10 Waŋndo mal pɛ kɔlaŋ o nɛi sakpoo choo, mi silaa simnuŋ nyɛ wɔɔŋ* le ndu.+
Kɛ wana o wana kɛɛ pɛ silaa, o cho piɔmndo sɔla.+
11 Te Chɛhowa cha pɛ o Sɛiyo* niŋ,+ fondaŋ waŋnda kua o tambei niŋndo* kpendekele,
Ɔɔ niŋ nyɛ cho waŋnda chieeya o lakɔl lo?+
12 Wana mam waŋnda wo kaala wana miŋgi ndu o nɛiyo le,+
Nduyɛ o nyuna wana taasioo le mbo sila ndu le.+
13 Te waŋndo wa pɛ a kɔl kɛndɛ, mi wana che ndu o lahɔl kpendekele.
Kɛ te o tambu pɛ kɔl, mi wana che ndu vɛlɛ o lahɔl kpendekele.+
14 Wana bii sɔɔŋ bila wo, ndu nuuviaa kɔl kaloo ni.+
Kɛ diɔmndo ndu, sɔɔŋ ŋdiɔmndoŋ o tual kɔɔli ni.+
15 Wana kɔl tambɛiyo, teleŋ o teleŋ a kɔl tambɛiyo o wa ni.+
Kɛ te waŋndo wa pɛ a kɔl kɛndɛ,* i wa ko maa o dunyɛi choo o wa teleŋ o teleŋ ni.+
16 O bɛnda mi waŋndo nɔ nyɛɛmbɔ kɛ mbo nɔ siooŋnde le Chɛhowa,+
17 O bɛnda ma de lam lapee fondoo naa kaalaa cho wa,+
18 Wana keleŋa tumboo dɔɔnɔŋndo wo mɛli sɔŋgɔlaŋ ni,+
Kɛ mi wana doonuŋ tumbe chɔ chɔ le wo pɔlul sɛɛŋgiaŋndo.+
19 Wana siɛlɛiyo, nɛi ndɔɔ cho ko mɛɛ nɛiyo wa nuaa a yɔɔŋ mɔndɔ mɔndɔ yɛ.+
Kɛ wana cho sakpo wo, nɛi ndɔɔ cho ko mɛɛ nɛi bɛndoo wa nuaa nyɛkɛndɛ tɛlɛlɛ yɛ.+
21 Wana nɔ kɔl kalu bɔɔ le wo, mbo dɔɔnuŋ nyaale le diɔmii nduɛi.+
Kɛ wana nɔ sinapɛŋgoo wo, o nɛi sakpoo choo o kua ni.+
22 Tuula bɔɔbɔɔ mi la tambu le naŋgɔɔ lepɛŋndo.
Kɛ mi batiuwaa sɔlaŋ te wanaa silaa wa pɛ tau.+
23 Te waŋndo chaa pɛ suɛi muli, mbo wa a nyaale.+
Nduyɛ i wa bɔɔ suɛi kɛndɛ te waŋndo dimi pɛ nyɛ o nɔ le dimioo wo a teleŋ o nɔ le dimiŋndo wo!+
24 Wana nɔ sinapɛŋgoo wo, mbo hel o nɛi ke wana yoomoo wo choo,+
25 Chɛhowa cho chiɛi wana yoŋgaa piɔlɔɔ,+
Kɛ mbo handu pɛŋgulaŋ chɛ chɛ o nyɛm kɛŋ wana vii pɔnɔɔ wo.+
26 Chɛhowa tul sɔɔŋ wana dɛnɛ wɔɔŋndo tuunuŋ o kɔl loŋ leyɛ,+
Kɛ mi sɔɔŋ kɛndɔŋ dimioo nɛŋi ndu kɔllo.+
27 Mi wana nuuviaa tɔnɔɔ o kafalaŋ choo wo tusi yuŋgu ndɔɔ kpundɔɔ choo,*+
Kɛ mi wana tul luɛiyɔɔ niŋndo leyɛ wo hiou lachi a waa yoomu.+
28 Wana cho sakpo wo yiyaŋ fɛŋ tuupa mbo muli suɛi,+
Kɛ wana dɛnɛ wɔɔŋndo ndu, sɔɔŋ wɔɔŋndoŋ fula ndu o sondo ni.
29 Chɛhowa cho landaŋ a wanaa dɛnɛ wɔɔŋnda,
Kɛ mbo tuei piɛile wanaa cho sakpo wa.+
31 Wana o wana yaŋ pɛ nilaŋ o sila yɔŋgu yoomoo wo,
Mɛɛ o cho waŋndo o pilɛ o wanaa taasiaa tɛɛŋ.+
32 Wana o wana kɛɛ pɛ silaa, mɛɛ o tul yoomu ndɔɔ leyɛ.+
Kɛ wana o wana yaŋ pɛ nilaŋ o silaa, o cho simnɔŋ wana taasi.+