Sam
A Sɔlɔmɔŋ okɔɔ.
72 Oo Mɛlɛka, tosa mi masaa kelu yamaŋ a mɛɛ ŋ kialu yamaŋ yɛ,
2 Maa o suŋgu le wanaa numnda o nɛi sakpoo choo,
Mbo suŋgu le wanaa num aa bala fonduaa o sandei choo.+
3 Maa pembuŋ bɛndoŋ chuu waŋnda kɔl nyuloo,
Nduyɛ mi pembuŋ pɔmbɔŋ chuu nda sakpoyɛi.
4 Maa o suŋgu* le wanaa bala fonduaa waŋnda tɛɛŋ,
Nduyɛ mbo piŋi chuauwaa wanaa bala fonduaa.
Maa o tɛɛmbuu wanaa dia nyɛm pilaŋ a lediɔɔmu wa.+
6 O cho wa mɛɛ piɔɔ sia nuaa o bɛŋgula bil nda fɛɛya wo choo yɛ,
Vɛlɛ a mɛɛ piɔɔ sia nuaa mbo pɔɔliaa lɛŋndeŋ yɛ.+
7 A teleŋ o cho wa o masaleŋ choo wo, wanaa cho sakpo wa cho wa puiyo tɛɛ tɛɛ.+
Nduyɛ kɔl nyuloo cho wa le fɛɛŋ a fɛɛŋ,+ mɛɛ paŋgei cho le fɛɛŋ a fɛɛŋ yɛ.
8 O cho wa waŋnda choo masa chɔŋ o pee mɛŋma ihɛllo mbo kɔ bii o pee mɛŋma ihɛllo o pilɔɔ,
Nduyɛ chɔŋ o Pee Bɛndoo* mbo kuɛ ba o ba fee o lɛŋndeŋ choo.+
9 Wanaa cho o pollo niŋnda cho ndu wulaŋ beŋ,
Nduyɛ mi yaamɔɔwaa nduaa deembuu chundoo.+
10 Masaa cho Taasi wa a haa o lɛŋii mɛŋndaŋ ma balu ve niŋnda, cho wa ndu paawaa malɔɔ o ba.+
Masaa Siɛba a haa Siba cho wa ndu nyɔɔŋ kioo.+
11 Masaa kpou cho ndu wulaŋ beŋ,
Nduyɛ mi wanaa cho o lɛŋnde niŋnda kpou tosal ndu wallo.
12 Kanifuule o cho wanaa bala fonduaa cho chaŋndo le malaa wa piŋi,
Vɛlɛ a wanaa cho mɔnɛi biyɔɔ kɛ a nɔ wana malaa le wa.
13 O cho wanaa cho mɔnɛi biyɔɔ wa a wanaa bala fonduaa nyiɛɛye tuiinɔŋ,
Nduyɛ mbo piŋi yoomula wanaa bala fonduaa.
14 O cho nda piŋi wanaa handu nda nyɛkindilaa choo wa a wanaa bii nda ŋuasu ŋuasu wa o ba,
Kanifuule kooma ndaŋ ma cho ma sɔvɛ ndu o hɔl.
15 Maa o viou achal, nduyɛ ma ke ndu kooliŋ fula Siɛba woŋ.+
Maa a wa piɛileŋ le ndu teleŋ o teleŋ,
Ma dɔu ndu sala lepaa o lepaa.
16 Nyɛdiaa cho wa o hɔbɛi o lɛŋndeŋ choo.+
O cho wa o tiuwaa lɛtɛu o pembuŋ bɛndoŋ choo.
Tɔlɔɔla ndɔlaŋ la cho wa naŋɔɔ tau tau maa tɔlɔɔlaŋ o Lebanɔŋ niŋ.+
Nduyɛ o chieeŋ bɛndoŋ niŋ bɛɛ, waŋnda cho kui tau tau maa tɔlɔɔlaŋ o lɛŋndeŋ choo.+
17 Maa diola ndɔlaŋ la wa le fɛɛŋ a fɛɛŋ.+
Maa la viou mɛɛ paaleŋ le viau nuaa yɛ.
Maa waŋnda sɔla salaa o sabu ndɔɔ niŋ.+
Maa kaalaŋ kpou la dimi maa wana kɔl kɛndɔɔ o cho ni.
19 Maa diola ndɔla tɔɔmalaŋ la sɔla saŋgalaa lefafɛɛŋ.+
Maa tɔɔmayɛi nduɛi tiu ba o ba fee o lɛŋndeŋ choo.+
Amiina! Amiina!
20 Nanuŋ Deeve, po Chɛɛse wo mɛɛlu a piɛileŋ ni.+