Sɔɔŋ Chɔɔmaŋndoŋ
5 Okoŋ kɔɔli, mi cha yau simbulaa o ba kɛndɛ wana wa ichali o kpeŋgbei* lemasaa+ choo wo, nduyɛ poonyiaa wa leniŋ a o kɔɔ. O wa o yiyaa poŋ a tamasilaŋ la ŋɔmmɛu lechoo. 2 Okoŋ mi cha maalikɛinɔ kpaaya bɛndoo yondaa choo choo kpeleŋ aa: “Nɛɛnɛ bɛnda yɛ mbo faŋa tamasilaŋ ndaŋ o yau simbulaa choo, mbo timbi ndu?” 3 Choo choo ni, o lɛŋndeŋ choo ni, o lɛŋndeŋ bɛŋgu ni, wana o wana sɔlaŋ le yau simbulaa hoo timbioo, ɔɔ mbo nua leniŋ te. 4 Mɛɛ ya che maa wana sɔlaŋ le yauwo hoo timbioo mbo nua leniŋ te, mi chaŋ chaŋndo pila. 5 Kɛ mi bɛndoo o pilɛ dimul la aa: “Mei chaŋndo. Tofawɔ! Kpɔkuŋ* fula o kaale Chuda leŋ choo,+ o yuŋgu+ Deeve wo+ niŋndo yem+ le mbo faŋa tamasila ŋɔmmɛulaŋ o yau simbulaa hoo choo, mbo timbi ndu.”
6 Okoŋ, mi cha saa fɔŋndɔɔ+ isisi o kpeŋgbei lemasaa lachi. O wa nyaa yoomaa hiɔɔluaa a bɛnduaa tɛɛŋ.+ Wana aa che ndu pɛ aa bololaŋ ndaa kelu ndu ni.+ Ndoo nɔ leelaŋ la ŋɔmmɛu a hɔltaŋ la ŋɔmmɛu. Hɔlta ŋɔmmɛulaŋ la sim le nyinaa ŋɔmmɛuwaa Mɛlɛkaa.+ Nda Mɛlɛka vem ba o ba fee o lɛŋndeŋ choo ni. 7 O lepilɛ niŋ kpe, mi saa hoo kua o wana wa ichali o kpeŋgbei lemasaa choo wo lo, mbo kɔ bii yau simbulaa wa ndu o ba kɛndɔɔ wo.+ 8 Mɛɛ o bii yau simbulaa, mi nyaa yoomaa hiɔɔluaa, a bɛnduaa 24+ kpou beŋ Saa Fɔŋndɔɔ wulaŋ. Bɛnduaa haa o kɛ kɛ ndoo nɔ towaa a hɛŋgɛi ŋkooliiyo. Nyɛm chuŋ kɛndɔŋ wa ŋ piaa leniŋ cha. (Nyɛm chuŋ kɛndɔŋ muŋ sim le piɛile wanaa diandaa.)+ 9 A wa chondii sɛnɛiye solioo+ aa: “Num bɛnda ni ma bii yau simbulaa, ma faŋa tamasila cho lechoo laŋ. Kanifuule, num nda dii ni, ma piandu waŋnda chieeya a kooma numndaŋ le Mɛlɛka.+ Waŋnda haa fula o lekaa o lekaa niŋ, a isɔɔ o isɔɔ maŋgalaa, a lelɛŋ o lelɛŋ.+ 10 Ma siiŋguu nda masaa+ a wanaa soliaa lasalaa le Mɛlɛka naa.+ Nduyɛ a cho wa masaa+ lɛŋndeŋ choo kpou.”
11 Mi cha maalikɛiya faŋga bɛndoo. A wa kpeŋgbei lemasaa, nyaa yoomaa, a bɛnduaa a balaa silɔ. Nduyɛ mi tuɛi vɛlɛ nda diomndaŋ. A wa waalaŋ o waalaŋ niŋ, a miiliɔŋndaŋ o kɛmɛlaŋ niŋ.+ 12 A wa dimioo choo choo kpeleŋ aa: “Saa Fɔŋndɔ nda diiyo,+ ndu bɛnda ni mbo sɔla kpaayaa, a sullo, a taasioo, a yoomuaŋ, a bɛɛleŋ, a biiloo, a salaa.”+
13 Mi tuɛi nyaa yoomaa o choo choo niŋ, haa o lɛŋndeŋ choo, haa o lɛŋndeŋ bɛŋgu,+ a haa o pee mɛŋma ihɛllo niŋ kpou dimioo aa: “Saŋgalaa, a bɛɛleŋ, a biiloo,+ a kpaayaa cho le wana cho ichali o kpeŋgbei lemasaa choo wo,+ a Saa Fɔŋndɔɔ+ le fɛɛŋ a fɛɛŋ.”+ 14 Mi nyaa yoomaa hiɔɔluaa dimi aa: “Amiina!”* Okoŋ, mi bɛnduaa baŋ wulaŋ ma piɛi Mɛlɛka.