Sɔɔŋ Chɔɔmaŋndoŋ
13 Mi tambalakaa hoo sim o siooŋnde choo o pee mɛŋma ihɛllo kɔŋgɔ.
Mi cha visi biyaa+ fulaa o pee mɛŋma ihɛllo niŋ.+ Ndoo nɔ leelaŋ tɔ, a bolle i ŋɔmmɛu. Mɔsilta lemasalaŋ la wa o leela tɔlaŋ choo. Kɛ diola tɛɛmbuu Mɛlɛka labɛɛ laŋ la wa la poonyiaa o bolii nduɛi choo. 2 Visi biyaa ya che hoo wo wa maa tambil. Peluŋ ndɔŋ wa maa peluŋ suluku. Sondoo wa ndu maa sondo kpɔkuŋ.* Okoŋ, mi tambalakaa+ ke visi biyaa hoo masale ndɔleŋ, kpeŋgbei* ndɔ lemasaa, a kpaayaa tau tau.+
3 Mi cha nyɔɔ o bolle visioo hoo le pilɛ, mɛɛ nda lɔwa nuaa nyɛ le ndu diyɔɔ, kɛ mi pau koŋ seŋgu yɛ.+ Mi kaamaa bii lɛŋndeŋ kpou, okoŋ ma tual ndu kɔɔli. 4 Ma sooluu tambalakaa le mɛɛ o ke visi biyaa kpaayaa yɛ. Ma sooluu vɛlɛ visi biyaa, ma wa dimioo aa: “O nɛɛnɛ kpeekpei cho yɛ maa visi biyaa hoo? Nduyɛ o nɛɛnɛ nɔla yɛ mbo chɔulaba ndu?” 5 Ma ke visioo hoo kpaayaa le mbo kelu yoŋgaa, nduyɛ mbo soo diomnda tɛɛmbuu Mɛlɛka labɛɛ laŋ. Ma ke ndu vɛlɛ kpaayaa le mbo tosa hɛnaŋ ndɔɔ le paŋgoŋ 42.+ 6 Mi visioo hoo kumbi sondoo, mbo dimi diomnda wɔɔŋndaŋ a Mɛlɛka okɔɔ,+ diola ndɔlaŋ, fondaŋ ndɔɔ, a wanaa cho o choo choo niŋnda.+ 7 Ma chɛl ndu le mbo chɔulaba a wanaa diandaa, mbo yem nda.+ Ma ke ndu kpaayaa le mbo wa masaa kaalaŋ choo, lɛŋnde, waŋnda a sɔɔŋ maŋgalaŋ kpou. 8 Wanaa cho o lɛŋndeŋ choo wa kpou cho ndu sooluu. Chɔŋ a boondii lɛŋndeŋ le kanduŋ nde, waŋnda haa o pilɛ bɛɛ diola ndɔlaŋ la cho la poonyiaa o yau yoomoo niŋ,+ yau Saa Fɔŋndɔ nda diiyo le.+
9 Num o num nɔ pɛ nila tuɛiyaa isɔɔ, mɛɛ yaŋ nilaŋ.+ 10 Wana nda nɔ pɛ le kɔlaŋ o biyɔɔ niŋ, o cho lakɔ o biyɔɔ niŋ. Wana nda nɔ pɛ le diyɔɔ a muɛi faŋnde,+ a cho ndu diyɔɔ a muɛi faŋnde. Le saboo hoo, wanaa diandaa+ nɔ ma biunuŋ,+ nduyɛ ma sim o laalaŋ ndaa choo nyɛkɛndɛ yi.+
11 Mi cha vɛlɛ visi biyaa cheleŋ fulaa lɛŋ. Ndoo nɔ leelaŋ la tiɔɔŋ maa saa fɔŋndɔ. Kɛ mbo kandu suɛi maa tambalaka.+ 12 Kpaaya kɛ kɛ visi tasoo ndoo nɔ,+ mi visi fula hoo lɛŋ ndo chɔm kpaaya koŋ ndu o hɔl. Mbo tosa mi wanaa cho o lɛŋndeŋ choo wa kpou sooluu visi biyaa tasoo, o ndoo nɔ pau bɛndoo, kɛ mbo siaŋgu wo.+ 13 Mi visioo hoo tosa kaamaala bɛndulaŋ. Mbo tosa pɛŋ mi yiŋndeŋ le fula choo choo, mi le tual o lɛŋndeŋ choo waŋnda o hɔl.
14 Kaamaala nda chɛl ndu le tosaa visi tasoo o hɔl laŋ, a laŋ o hui waŋnda ni. Mbo dimul nda le ma toosiaa velaŋ+ visi nda lɔwa koŋ a muɛi faŋnde, kɛ mbo chinda wo.+ 15 Ma chɛl ndu le mbo ke velaŋ visioo hoo hueiyii yoomɛi, le halikpeŋ mi velaŋ visioo hoo soo, okoŋ mbo tosa ma diu diu wanaa kɛɛ ndu sooluuwo wa.
16 Mi visioo hoo baŋ wana o wana le ma handu ndu pondaleŋ o ba kɛndɔɔ ɔɔ o itendu.+ Wana pɔmbɔ ni, wana bɛndu ni, wana sulaa ni, wana bala fondo ni, chiaa a wanaa baŋaŋnda kpou. 17 Nduyɛ maa te wana o wana nɔ pondaleŋ ndeŋ, diola visioo hoo,+ ɔɔ nɔmbɛi sim le diola ndɔlaŋ ndo le,+ a chɛl ndu le mbo pendu kɛlɛŋgaa mbo pisi le. 18 Taasioo yeemaŋ o suɛi hei niŋ ni. Wana nɔ taasioo pɛ, o nɔla mbo chɔm nɔmbɛi sim le visi biyaa hoo wo. Nɔmbɛi wanachioo o cho ni. Nɔmbɛi koŋ cho 666 ni.+