Hibuluiya

9 Kpema tase Mɛlɛka yii sindɛ a waŋnda wo, mbo ke nda sawalaŋ mɛɛ ndaa nɔ ma piɛi ndu yɛ.+ Nduyɛ o lɛŋndeŋ choo naŋ tɛndii ndaa piɛi ndu wo wa ni. 2 Tɛndii ndaa toosiaa koŋ ndo wa o piɔuwaa tɛɛŋ sala tiɔɔŋ. Ndaa veelu fonda tasoo aa Fondaŋ Diandaa.+ O fondaŋndo hoo ndaa kɛsi tibiiyo,* nyɛ kɛsiaa lambuiyo,+ a beedii* ndaa ke Mɛlɛka wo ni.+ 3 Te a hiou pɛ kola bɛndu piɔu tɛndiiyo hoo tɛɛŋndo, a luɛi o fondaŋ diiŋ ndɔɔ.+ A veelu fondaa hoo aa Fondaŋ Hiou Diondɔɔ Wo.+ 4 Ndoo nɔ nyɛ ŋkoolii luamaa nyɛm chuŋ kɛndɔŋ,+ a kɔfu kpemaa+ o yikpaa kpede a kooliiyoŋ.+ Kɔfoo hoo ndoo nɔ kpɛɛnɛi ŋkooliiye a manɛiyo leniŋ.+ Tinda Elɔŋ ndoo pui sindɛ wo,+ a pouta yɛndɛla+ Mɛlɛka yii kpemaa laŋ bɛɛ la wa la kɛsiaa leniŋ. 5 Chɛlɔbiiya* a ŋiɔɔŋ wa a tuuliaa o kumbu* kɔfoo hoo choo.+ Kɛ o cho teleŋ naŋ luɛi o sɔɔŋ muŋ niŋ pɔŋgeŋ te cho hoo le.

6 Mɛɛ nda chii tɛndiiyo hoo bɛɛndiaa nuaa, mi wanaa soliaa lasalaa ndaa luɛi teleŋ o teleŋ o Fondaŋ Diandaa le wali Mɛlɛkaa tosaa.+ 7 Kɛ o Fondaŋ Hiou Diondɔɔ Wo ndu, le pilɛ kpe wana bɛndu wanaa soliaa lasalaa ndoo luɛi loŋ o wɔsioo niŋ ni.+ Nduyɛ a kooma chɔluaŋ ndoo luɛi ni,+ le mbo soli salaa le hakila ndɔlaŋ,+ a hakila waŋnda+ ndaa tosa kɛ a ve o sina choo le laŋ. 8 Mi nyina diandaa chɔm kpendekele maa te tɛndii tasoo wa wɔ pɛ isisi, wana o wana nɔla wɔ mbo sɔla nɛiyo le kɔlaŋ o Fondaŋ Diandaa niŋ te.+ 9 Tɛndiiyo hoo cho maa tamasi le sɔɔŋ cho yɔŋnɔŋndo teleŋndo hoo woŋ.+ Nduyɛ o chɔm maa kela waŋnda yɔŋgu laŋ, a salala nda soli laŋ,+ la nɔla mi la ke wana cho laŋ solioo wo kɔl iyama walaŋndo le.+ 10 Nyɔɔŋ muŋ yɛ, a nyɛdiaa waŋnda nɔ ma de wo, nyɛ nda nɔ ma kol lo, vɛlɛ a pulɔɔla yɛ yɛlaŋ* okɔɔ koni ŋ cho ni.+ Sawalaŋ ndaŋ la wa,+ le mbo lo okoŋ mi boondii Mɛlɛka pila kɛɛsiaa le nyɛ o nyɛ bɛɛndiaa ve i fuuluu.

11 Mɛɛ Kiliti hiŋ, ndu wa wana bɛndu wanaa soliaa lasalaa ni le sɔɔŋ kɛndɛŋ yɔŋnuŋ ndoŋ. Mbo luɛi o tɛndii kɛndɛ kɛndɛ hiou kpou wo niŋ. O cho wanachiee le toosiaa tɛndiiyo hoo le, nduyɛ o cho tɛndii waa chieeŋ naŋ te. 12 Mbo luɛi o Fondaŋ Diandaa niŋ. O luei loŋ a kooma chuiŋ ɔɔ kooma nauwaa fɔŋndɔ le. Kɛ a kooma nduaŋ.+ Le pilɛ kpe o luɛi loŋ ni, okoŋ mbo baŋa naa le fɛɛŋ a fɛɛŋ.+ 13 Te a fasaŋa pɛ wanaa cho a nɔɔlɛiya kooma chuiŋnda, a ma nauwa,+ a pulta nauwaa fɔŋnduaa, okoŋ ma simnuŋ a diandaa Mɛlɛka o hɔl,+ 14 ɔɔ niŋ kooma Kiliti waŋ?+ O cho maŋ te ma hiou poloŋ te? Kanifuule, mi nyina diandaa cho le fafɛɛŋndo tosa mbo soliŋ sala o Mɛlɛka lo. Salaa hoo nɔ sɔŋ te. Kooma nduaŋ ma dindi kɔlta naala iyamalaŋ ni, okoŋ miŋ soli balaŋ o yɔŋ wɔɔŋndo niŋ.+ Le hei, ŋ nɔla niŋ miŋ tosa wallo le Mɛlɛka cho yoomu wo.+

15 Le saboo hoo o cho waŋnda chieeya tɛɛŋ a Mɛlɛka le kpema sɛnɛiyo ni.+ Mbo wu le wanaa wa o kpema paandoo niŋnda baŋaa+ o yɔŋnda ndala wɔɔŋndaŋ niŋ. O tosa hei le mi wanaa Mɛlɛka veelu wa sɔla nyɛm kɛŋ Mɛlɛka chuel nda buŋgɛi, miŋ wa lefafɛɛŋ ndoŋ.+ 16 Te waŋndo yii pɛ kpemaa a waŋndo le nyɛm kiɔɔŋ, mɛɛ mi wana koŋ vi malaŋ kpema koŋ sim. 17 Te wana koŋ cho wɔ pɛ yoomu, kpema koŋ sim ndɔ kpeekpei le. Kanifuule, piɔmndo tosa ni mi kpema koŋ sim. 18 Kpema paandoo bɛɛ, koowaŋ ma tosa ni mbo sim. 19 Mɛɛ Muuse chii waŋnda nyɛ Sawalaŋ la dimi wo tombolal, mbo chua kooma nauwaa fɔŋnduaa a ma chuiŋnda, mbo muuliaŋ a mɛŋndaŋ. Okoŋ, mbo chua fuŋnde siaŋaleŋ mbo sɔɔŋa o sioŋnde hisɔpi* leŋ, mbo yiŋ o kooma maŋ niŋ, mbo fasaŋiaa o yau lasawa koŋ choo a waŋnda kpou. 20 Mbo dimi aa: “Kooma Mɛlɛka yii kpemaa a nya waŋ ma cho maŋ ni. O yeema mi la tɛɛmbuu kpema koŋ te.”+ 21 Mbo fasaŋiaa vɛlɛ kooma maŋ o tɛndii Mɛlɛkaa a o nyɛm nda soliŋ kpeku le ndu piɛiyo woŋ choo.+ 22 A mɛɛ Sawaa* dimi yɛ, koowaŋ maa dindi nyɛ o nyɛ ni.+ Te koowaŋ maa ve le, Mɛlɛka ndoo mel waŋnda haki le yɔŋnda ndala wɔɔŋndaŋ te.+

23 Lelaŋ, mɛɛ mi nyɛm sim muŋ lewundu+ le nyɛm waa choo choo woŋ sɔla dindioo o nɛiyo hoo choo. Kɛ le nyɛm waa o choo choo niŋ ndu,+ salala hiou laŋ poloŋ ndaŋ la yeemaŋ ni le muŋ dindioo. 24 Kiliti ndu luei o fondaŋ diandaa waŋnda toosiaa a laba wo niŋ te,+ kanifuule o ve fondaŋ kpeekpei le.+ Kɛ choo choo kɛsɛ o luɛi ni,+ mbo wa isisi Mɛlɛka lachi le naa.+ 25 Wɔsi o wɔsi, mi wana bɛndu wanaa soliaa lasalaa ndoo luɛi o fondaŋ diandaa a kooma chɔluaŋ le salaa solioo.+ Kɛ Chiisu ndu tosa hei le mbo soliŋ sala le diiŋ diiŋ te. 26 Te ndoo ve lende le, chɔŋ a boondii Mɛlɛka toosiaa chieeŋndo ve, o wa nyɛ nɛiyaa sɔla teleŋnda faŋga faŋga. Kɛ le pilɛ kpe Chiisu hiŋ o teleŋ mɛɛlaa chieeŋndo hoo niŋ ni, le mbo soliŋ sala le hakioo faŋaa.+ 27 Wanachiee kɛ kɛ, le pilɛ kpe o nɔ ni mbo vi. Okoŋ, mi Mɛlɛka kelu yamɛi nduɛi. 28 Kiliti bɛɛ, le pilɛ kpe o soliŋ sala le hakila wanaa faŋga faŋga ni.+ Hunɔɔ diiŋ ndɔ o cho niŋndo, o cho lɛ le haki faŋa le, kɛ le mi wanaa cho ndu chumndo a yeemɛi le pioŋɔɔ sɔlaa wa che ndu.+