Polowaa
27 Kialu yoŋgaa a siɔdiiyo okɔɔ le.
Kanifuule, a sina mɛɛ siɔdii wa niŋ yɛ le.+
2 Wana cheleŋ* saŋgala num, kɛ o cho sondo numndo le.
Wanaa cheleŋ* saŋgala num, kɛ o cho chɔchɔŋ numndoŋ te.+
3 Pouwo lusul, nduyɛ siooŋnde bɛɛ lusullo pila i lusul ni.
Kɛ kpundɛ diɔmndo mal lo lusul mbo hiau nyɛm sala tiɔɔŋndoŋ muŋ.+
4 Kɔl tuuwo wɔu, nduyɛ kɔl biŋgioo cho ko maa mɛŋma koŋgi bɛnduaŋ.
Kɛ paŋalaa hiou lewɔu poloŋ.+
5 Waŋndo miŋgioo o nɛi kpendekele bɛnda mbo hiau kaalaa nɔɔ le ndu o kɔl niŋ.+
7 Waŋndo pim pɛ, lɛma fula o waa maliɔɔ niŋndaŋ bɛɛ o yeema maŋ te.
Kɛ wana yiaaŋ ma cho nɛiyo wo, nyɛ lolɛiyo bɛɛ mbo yeela ndu o sondo.
8 Mɛɛ youwo mal nuaa waaŋnde ndɔleŋ mbo kuɛŋnuŋ* yɛ,
Lende koni wana mal chiɛi ndɔɔ mbo kuɛŋnuŋ ndo cho ni.
9 Mɛɛ chuɛiyaŋ a nyɛm chuŋ kɛndɔŋ tosa mi waŋndo wa a kɔl kɛndɛ yɛ,
Lende koni chaŋyɛi yɔŋgu sila kpeekpeiyo ve cho ni.+
10 Kɛɛ chaaŋ num ɔɔ chaaŋ o finya num te.
Te dɛnɛ palaa komal num pɛ, kua o wanayɛi numnde lo le.
O bɛnda ma kuɛ o wana nya chiɛɛliaŋ ndo lo mbo hiau wanayɛi num ii cho landaŋ nde.+
11 Wa wana taasi po nuu, nduyɛ ma tosa mi wa a kɔl kɛndɛ,+
Le halikpeŋ mi mulul wana cho sɔɔŋ wɔɔŋndoŋ dimioo a ya okɔɔ wo.+
12 Wana taasioo cha kpundɔɔ hunɔɔ ni mbo fafaŋ ndu.+
Kɛ diɔmndo ndu hiouwɔɔ lachi tuŋ a kɔlaŋ, nduyɛ mbo sɔla fulamakɔɔlila wɔɔŋndaŋ.
13 Te waŋndo ke num pɛ domaa o landei niŋ le kuee miallo biiyo, bii.
Le wana lanɔ miallo bɛɛ, bii ndu landei o ba.+
14 Te a wa pɛ waŋndo salaa dɔwɔɔ idii puŋ ma deŋi choo choo kpeleŋ,
O cho ndi chua maa sendioo ŋ cho ndu handɔɔ choo ni.
15 Lanɔ lasɛɛŋgiaŋndo cho ko mɛɛ chiɛiyo wa lullo teleŋ o teleŋ o paale piɔɔ leŋ choo yɛ.+
16 Wana o wana nɔla lanɔ waa lende kpaa pɛ, mɛɛ o nɔla mbo kpaa hueiye.
Nduyɛ, o nɔla mbo talaŋ chuɛiyaŋ o ba ndɔ kɛndɔɔ ma choŋ te.
18 Te wana chaa yɔm mafikiiyo biyɔɔ pɛ, a de kɔmnde ndɔleŋ.+
Nduyɛ te buɛiyo chaa pɛ masanɔ ndɔɔ biyɔɔ, o sɔla bɛɛleŋ.+
19 Mɛɛ waŋndo tofa o mɛŋndaŋ niŋ mbo che hɔlaa nduaa yɛ,
Lende koni kɔl waŋndo cha kɔlta acheleŋnda ni.
20 Sɛiyo a fondaŋ waŋnda kua o tambei niŋndo,* fɛɛŋ bɛɛ la pe le.+
Nduyɛ fɛɛŋ bɛɛ hɔlte wanachioo le pe le.
21 Mɛɛ nda dindi nuaa kanii humbuei a kooliiye o yiŋndeŋ niŋ yɛ,+
Lende koni saŋgala nda saŋgala waŋndo wo luei ndu o tofaa bɛŋgu ni.*
22 Chu bɛɛ diɔmndo a suŋndo
Mɛɛ nda chuii nuaa kulloŋ o chiei niŋ yɛ,
O mel diɔmii nduɛi le.
24 Kanifuule sullo lo le fɛɛŋ a fɛɛŋ te,+
Kɛlɛŋgaa niŋ te mi mɔsil lemasaa lo o yuŋgu pilɔɔ niŋ le fɛɛŋ a fɛɛŋ.
25 Te bil kiyɛiyo lo pɛ, o sɛnɛiyo pui.
Nduyɛ, o pemboŋ choo wana nuuviaa bil kiyɛiyo ni le ndu chuuŋgiaa.
26 Mi saa piaanduaa fɔŋnduaa ke num nyɛ chuɛɛnaŋndo,
Nduyɛ mi chuiŋaa piaanduaa ke num nyɛsɔlaa le lɛŋndeŋ piondɔɔ.
27 Milikiima chuiŋnda ma* cho wa tau le nyɛdiaa numndo,
Yuŋgu numndo, a le nyɛdiaa buɛiyaa num aa laanduaa.