Polowaa
12 Wana kaala silaa wo, ndu kaala kɔl kaloo ni.+
Kɛ wana tul pɛ silaa leyɛ, mɛɛ o kindu kɔl te.+
2 Mi Chɛhowa hini kɔl a wana tosa sɔɔŋ kɛndɔŋ ndo,
Kɛ mbo pɛɛsa wana tuunuŋ sɔɔŋ wɔɔŋndoŋ o kɔl lo.+
3 Wana o wana ve sɔɔŋ dɛnɛ wɔɔŋndoŋ tosaa mbo wa hɛnɛkɛ le,+
Kɛ wana cho sakpo wo cho ko maa yɔm wana nɔla suŋgɔɔ le wo.
4 Lanɔ kɛndɔɔ cho ko maa mɔsil lemasaa le pɔnɔ ndɔ,+
Kɛ lanɔ tosa hoo sɔɔŋ lasiɔmboŋ ndo cho ko mɛɛ naa bii nuaa pɔnɔ ndɔ mi paalaŋ la sɛ ndu yɛ.+
5 O sɔɔŋ kɛndɔŋ choo wana cho sakpo wo yiyaŋ ni,
Kɛ sila wana dɛnɛ wɔɔŋndo yɔŋgu wo, huiyo o hui wana ni.
6 Diomnda wanaa dɛnɛ wɔɔŋnda la cho ko mɛɛ waŋndo viaŋnuŋ nuaa le waŋndo diyɔɔ* yɛ,+
Kɛ mi diomnda wanaa cho sakpo wa dimi laŋ la piŋi wana.+
7 Te wanaa dɛnɛ wɔɔŋnda sɔla pɛ tambei, fɛɛŋ bɛɛ a chi lɛ nda le.
Kɛ mi chiɛila wanaa cho sakpo wa hiou lachi a waa isisi.+
8 Mi waŋndo sɔla saŋgalaa le sɔɔŋ taasiŋ o dimi woŋ,+
Kɛ wana tuunuŋ sɔɔŋ wɔɔŋndoŋ o kɔl lo, ma tul ndu leyɛ.+
10 Mi wana cho sakpo wo bii chɔluaa o manda wa nyɛkɛndɛi,+
Kɛ wana dɛnɛ wɔɔŋndo ndu, nyiɛɛyii nduɛi bɛɛ, dɛnɛ wɔɔŋndo i cho ni.
11 Wana tosa wallo o lɛŋnde ndɔleŋ choo wo cho nyɛdiaa sɔla mbo hini kɔl,+
Kɛ wana cho nyɛm fondoŋ kiltaŋ kɔɔli wo nɔ kɔl kalu bɔɔ le.
12 Mi wana dɛnɛ wɔɔŋndo paŋala wanaa dɛnɛ wɔɔŋnda le nyɛ nda sɔla wo,
Kɛ wana cho sakpo wo cho ko mɛɛ puunduŋ yɔmndo luɛi nuaa lɛŋ di mbo wa komɔɔ yɛ.
13 Mi sɔɔŋ wɔɔŋ wana dɛnɛ wɔɔŋndo dimi woŋ luei ndu o yaŋɔɔleŋ niŋ,+
Kɛ mi wana cho sakpo wo hɛluŋ o kpundɔɔ niŋ.
14 Mi sɔɔŋ kɛndɛŋ waŋndo dimi woŋ* tosa mbo tuei yoomoo yeela,+
Nduyɛ mi wali o tosa a bala ndɔlaŋ ndo chuu ndu tɔnɔɔ.
16 Diɔmndo, te a tosal ndu dɔɔ suɛi pɛ, o dɔɔnuŋ tumbe o foofo.*+
Kɛ wana nɔ taasioo wo, a yei ndu bɛɛ o saalaŋ te.*
17 Wana dimi tonyaa wo tɛnda seileŋ o tonyaa choo ni,*
Kɛ sei lachoowaa ndu, choolaŋ o dimi ni.
18 Te waŋndo yiyaŋ fɛŋ te mbo soo, o wa ko mɛɛ nda chuukuu nuaa waŋndo a muɛi faŋnde yɛ.
Kɛ diɔɔmule wana taasioo, siŋgioo le siŋgi ni.+
19 Mi diomnda tonyala waŋndo dimi laŋ la wa le fɛɛŋ a fɛɛŋ,+
Kɛ choola waŋndo dimi laŋ, le teleŋ biŋgi koni la wa ni.+
20 Choolaŋ kposoŋ wanaa kɛɛsiaŋ sɔɔŋ wɔɔŋndoŋ o kɔl la dimi ni,
Kɛ nyaaloo cho le wanaa tosa* mi waŋnda wa o kɔl nyulu niŋnda.+
22 Chɛhowa tul wanaa dimi choolaŋ nda leyɛ,+
Kɛ mi wanaa tosa sɔɔŋ sakpo wa nɛŋi ndu kɔl.
23 Mi wana taasioo kɛsiŋ sɔɔŋ o sina woŋ o kɔl,
Kɛ diɔmndo ndu, sɔɔŋ ŋdiɔm wa ndu o kɔl loŋ, muŋ o dimi ni.+
26 Mi wana cho sakpo wo tofa fondaŋ bil kɛndɛ kɛndɔɔ cho wo,
Kɛ mi sɔɔŋ wanaa dɛnɛ wɔɔŋnda tosa woŋ tosa ma mal nɛi tonyaa.
27 Wana siɛlɛiyo nɔla visioo touwɔɔ le ndu biyɔɔ le,+
Kɛ wallo tosaa kalaŋ, nyɛ sɔviɔɔ o cho le wanachioo ni.
28 Mi sɔɔŋ wana cho sakpo wo tosa woŋ ke ndu yoomoo,+
Nduyɛ wana tol pɛ sɔɔŋ o tosa woŋ kɔɔli, a sɔla piɔm te.