Polowaa
21 Kɔl masaa cho ko maa pee mamɛŋ Chɛhowa o ba.+
Naa o yeema wa, loŋ o muli ndu ni.+
3 Tosaa nyɛ cho sakpo nduyɛ mbo wa suɛi sandaa wo,
Keŋ nɛŋi Chɛhowa kɔllo mbo hiau salaa solioo o ndu lo.+
4 Hɔlaa heelaa bɛnduaa a kɔl yoŋgaa,
Nyɛm chɔm wana dɛnɛ wɔɔŋndo nɛiyo woŋ ŋ cho ni, nduyɛ hakioo ŋ cho ni.+
5 Mi wana tosa wallo kalaŋ ndo sɔla batiuwaa* o kɛɛsiaala ndɔlaŋ niŋ,+
Kɛ wanaa lau o sɔɔŋ tosaa niŋnda, o bala fondolaŋ niŋ nda mɛɛlu ni.+
6 Sul wana sɔla hoo o choolaŋ dimioo niŋndo cho ko mɛɛ mɔmndo kiolu nuaa o lepilɛ niŋ kpe yɛ,
7 Yɔŋ wɔɔŋ wanaa dɛnɛ wɔɔŋnda cho tosaa wo cho nda hunɔɔ basɔɔ ni tɛɛ,+
Kanifuule, a kɛɛ le sɔɔŋ tosaa o nɛi sakpoo choo.
8 Wana yɔŋ wɔɔŋndo, o kafalaŋ choo o tosa sɔɔŋ ni.
Kɛ wana tɛɛmbuu isɔɔ le wo, o nɛi sakpoo choo o tosa sɔɔŋ ni.+
9 O bɛnda mi wana waŋnuŋ o sɔŋgile cho o chiɛiyo choo leŋ,
Mbo hiau waa o chiɛi pilɔɔ niŋ a lanɔ lasɛɛŋgiaŋndo.+
10 Sɔɔŋ wɔɔŋndoŋ wana dɛnɛ wɔɔŋndo yeema lɔɔlɔɔ ni.+
O nɔ inyiɛɛ le wana nda chiɛɛliaŋ ndo le.+
11 Te a tusi pɛ wana mam waŋnda wo nyɛpalaa choo, wana kindu kɔl te wo cho pɛɛku le mbo simnuŋ wana taasi.
Nduyɛ te wana taasioo pɛɛku pɛ tau o sɔla kɔl kaloo.*+
12 Mɛlɛka tosa sɔɔŋ o nɛi sakpoo choo wo sina nyɛ cho yɔŋnɔŋndo o chiɛi wana dɛnɛ wɔɔŋndo niŋndo.
Nduyɛ, mbo tosa mi kpundɔɔ del wana dɛnɛ wɔɔŋndo choo.+
13 Wana o wana tuei pɛ wana bala fondoo chaŋndo mbo kinda nila ndɔlaŋ,
Ndu bɛɛ cho veelu, wana mulul niŋ ndu le.+
14 Waŋndo nyɔɔ kioo sɔɔsɔɔ tosa mbo pɔlul kɔl.+
Nduyɛ o yɔŋ bɛɛ mi waŋndo tuulu kɔl, luɛiyɔɔ niŋndo tosa mi kɔl ndɔ tuuwo pɔlul.
15 Mi wana cho sakpo wo wa a nyaale le sɔɔŋ tosaa o nɛi sakpoo choo.+
Kɛ wanaa tosa sɔɔŋ wɔɔŋndoŋ nda tul sɔɔŋ cho sakpo woŋ leyɛ.
16 Te waŋndo faŋaŋ pɛ o nɛi taasioo choo,
O cho lakɔ pɛŋgi nda wanaa vi niŋ nda latulu.+
17 Wana kaala pɛŋgioo* wo o bala fondolaŋ niŋ o mɛɛlu ni,+
Nduyɛ wana kaala muɛiyaŋ a chuɛiyaŋ ndo simnuŋ wana sulaa le.
18 Wana dɛnɛ wɔɔŋndo cho sala baŋaa le wana cho sakpo wo ni.
Nduyɛ, wana mulu muluaŋndo cho saŋgaa sɔla le wana cho sakpo wo.+
19 O bɛnda mi wana waŋnuŋ o pollo niŋ,
Mbo hiau waa a lanɔ lasɛɛŋgiaŋ tuulu kɔl chɔ chɔ wo.+
20 O wana taasioo lo chiɛiniŋ wana saaluŋ nyɛm baa kalaŋ a chuɛiyaŋ ni.+
Kɛ diɔmndo ndu, laasiaa o laasiaa* nyɛm o nɔ woŋ ni.+
21 Wana o wana kindiŋ pɛ le nyɛ cho sakpo wo tosaa nduyɛ mbo chɔm kaala lo lechoo wo,
O cho batiuwaa sɔla, mbo wa yoomu, nduyɛ mbo sɔla bɛɛleŋ.+
22 Wana taasioo nɔla mbo yem chiee bɛndu nɔ kuubaa chɔuwa wo,
Nduyɛ mbo tɛɛmbuu kpaki kala kala nda tiindaŋ ndo.+
23 Wana manda sondo ndɔɔ a diɔɔmule ndɔleŋ ndo,
O luei o kpundɛ niŋ te.+
24 Wana tosa sɔɔŋ o buulaŋ a fulamakɔɔlioo le wo nda veelu ni aa,
Wana yoŋgaa, wana heelaŋndo.+
25 Nyɛm wana siɛlɛiyo yeema woŋ muŋ dii ndu ni.
Kanifuule, o chɛl le wallo a bala ndɔlaŋ te,+
26 O wa lɔɔlɔɔ a yeemɛi bɛnduei le mbo sɔla nyɔɔŋ tau.
Kɛ wana cho sakpo wo, kɛndɛi o tosa ni, o cho wana sɔŋgbɔɔŋ te.+
28 Sei lachoowaa cho tambei sɔla,+
Kɛ wana yaŋ nilaŋ nyɛkɛndɛiyo timbi seileŋ ni, mbo sɔla batiuwaa.*
29 Wana chi wana dɛnɛ wɔɔŋndo siɔmbulaŋ o lahɔl te,+
Kɛ mi wana cho sakpo wo kɛɛsiaa le kɔlaŋ o nɛi cho sakpo wo choo.*+
30 Taasioo, sinapɛŋgoo, a silaa, o kɛ kɛ cho mbo simul Chɛhowa le.+