Sam
O wana sim lachi le chondei yo lo. Chondii Deeve ve.
65 Oo Mɛlɛka, saŋgalaa cho wa le num o Saayɔŋ niŋ.+
Ŋ cho buŋgaŋ naŋ chuel num ndoŋ peelu.+
2 Oo Mɛlɛka tuɛi piɛileŋ ndo, waŋnda suu o suu cho hunɔɔ naa num chua.+
5 Oo Mɛlɛka naa chiindiaa naa wo,
A cho naa mulul o nɛi sakpoo choo sanaa a walta kɔndɔfilta ŋ tosa laŋ.+
Waŋnda o lɛŋndeŋ choo kpou a wanaa cho o pee mɛŋma ihɛllo lekɔɔli wa,
Num nda tiindaŋ ni.+
6 Ma tosa mi pembuŋ bɛndoŋ sim yi a kpaaya num bɛndoo.
Kpaayaa cho nyɛ num chuɛɛnaŋndo ni.+
7 A kpaa pee mɛŋma ihɛl cho iyoŋgbaŋ yoŋgbaŋnde, nduyɛ mi ma wa kalaŋiaŋndo wo.+
Ma tosa vɛlɛ mi kaala cho bɔɔluu bɛndoo laŋ la mei doŋ.+
8 Te wanaa cho o fondaŋnda yololɛlaŋ nda che pɛ kaamaala numndaŋ, kɔndɔfillo cho nda biyɔɔ.+
A cho tosa mi wanaa cho ba paaleŋ le chaŋ ndo, a ba le del lo wa deŋi a nyaaloo.
9 Num toosiaa lɛŋndeŋ ni,
Nduyɛ ma tosa mi nyɛm kuamaŋ kɛndɛ kɛndɔŋ wa lechoo ŋ hɔbɛi.+
Pee fula o Mɛlɛka lo wo cho o piaa cha a mɛŋndaŋ.
Ma tosa mi lɛŋndeŋ le ke waŋnda chieeya kulloŋ,+
Kanifuule lende ŋ toosiaa leŋ ni.
10 A tosa fondaŋnda mɛŋndaŋ ma yueinuŋ o lɛŋndeŋ choo laŋ, ma tosa fondaŋnda waŋnda waa laŋ tɛlɛlɛ.
Ma tosa mi piɔɔ sia lechoo le leŋ pɔɔliaa, nduyɛ mi tɔlɔɔla cho lechoo laŋ la hindu.+
11 Ma tosa sɔɔŋ kɛndɔŋ tau o wɔsioo niŋ.
Nduyɛ ba o ba ŋ kei pɛ, nyɛdiaa waŋnuŋ o hɔbɛi.+
13 Mi chɔluaa tiu o bil puiyaa niŋ kpou,
Okoŋ mi kulloŋ kumbu dɛŋgbɛlaŋ kpu.+
Mi fondaŋndaŋ la deŋi choo choo a nyaaloo, mi la soli pɛŋ chondei.+