Sam
O wana sim lachi le chondei yo lo. Chondei. Nyɛchaa.
66 Nya waŋnda o lɛŋndeŋ choo kpou, la deŋi a nyaaloo naa Mɛlɛka chua.+
2 La soli chondoŋ* le diola ndɔla tɔɔma laŋ.
La saŋgala tɔɔmayɛi nduɛi.+
3 La dimul Mɛlɛka aa: “Walta numndaŋ la cho bɔɔ walta kɔndɔfili bɛndu!+
Le mɛɛ ŋ cho wana kpaaya bɛndu yɛ,
Yaamɔɔwaa numnda cho nyiiya num lachi.+
4 Waŋnda o lɛŋndeŋ choo kpou cho num hunɔɔ wulaŋ beŋ,+
Ma saŋgala num o chondoŋ niŋ,
Nduyɛ ma saŋgala diola numndaŋ o chondoŋ niŋ.”+ (Sila)
5 La huŋ mi la che walta Mɛlɛka laŋ.
Sɔɔŋ o tosa le chuauwaa ŋwaŋnda chiee woŋ cho bɔɔ sɔɔŋ kɔndɔfili bɛndu.+
6 Mbo tosa mi pee mɛŋma ihɛllo simnuŋ lɛŋnde vesɛileŋ.+
Mi waŋnda chieeya taŋ pioo a ŋpelu.+
Mɛɛ naŋ taŋ, miŋ duaunuŋ nyaale le mɛɛ o piŋi naa yɛ.+
7 O cho masaa le fɛɛŋ a fɛɛŋ+ le kpaaya o nɔ wo.
Hɔlte ndɔleŋ le cho waŋnda chieeya choo.+
Wanaa nilakaluaa nɔ ma chuaŋnuŋ ndapila a bɛndu le.+ (Sila)
8 Nya waŋnda kpou, la saŋgala Mɛlɛka naa,+
La tosa mbo tuei saŋgala nya cho ndu wo.
10 Oo Mɛlɛka, num yaasiaa naa ni,+
Nduyɛ, ma dindi naa mɛɛ nda dindi nuaa kanii humbuei yɛ.
11 A wou naa o yala ledoosoo niŋ,
Nduyɛ ma handu naa wolɔɔla bɛpɛla naa laŋ choo.*
12 A tosa mi wanachioo wa naa chilaŋ.*
Miŋ keeku o yiŋndeŋ niŋ a o mɛŋndaŋ niŋ,
Okoŋ ma kua a naa o fondaŋ pɛŋgiaa.
13 I cho hunɔɔ o chiɛi numndo niŋ a salala luamaala kpulukuulaŋ,+
Nduyɛ mi peelu buŋgaŋ ya chuel num ndoŋ,+
14 Buŋgaŋ ya soliŋ o sondo,+
Teleŋ ya wa o nyɛpalaa niŋ ndoŋ.
15 I cho visiaa chelulɛiya salala luamaa laŋ soli o numndo,
Latulu a saa konduaa.
I cho nauwaa towaa a chuiŋaa piaanduaa salaa soli o numndo. (Sila)
16 Nya nɔ siooŋii Mɛlɛkɛi ya kpou, la huŋ mi la yaŋ nilaŋ.
I cho nya dimul nyɛ o tosal la niŋndo.+
17 Mi piɛi o ndu lo a sondo nuu,
Nduyɛ mi saŋgala ndu a diɔɔmule nileŋ.
18 Te yaa kɛsiŋ pɛ suɛi wɔɔŋnde o kɔl,
Chɛhowa ve ya lani yaŋɔɔ le.+
20 Saŋgalaa cho le Mɛlɛka, kanifuule o kɛɛ le piɛile nileŋ mulioo le,
Nduyɛ o kɛɛ le ya kaala lo lechoo ndɔɔ chɔmndo le.