Maatiu
1 Yau soo a bundɛi Chiisu Kiliti* ve* okɔɔ wo, po Deeve wo,+ po Ebilaham ndo:+
2 Ebilaham velu Aase ni.+
Aase velu Chekɔpu ni.+
Chekɔpu velu Chuda+ a bɛndaa nduaa vɛlɛ a pɔmbuaa nduaa ni.
3 Chuda velu Piluɛsi a Siluaa ni.+ Nda Tamaa velu nda ni.
Piluɛsi velu Hɛsilɔŋ ni.+
Hɛsilɔŋ velu Luam ni.+
4 Luam velu Aminadabi ni.
Aminadabi velu Naasiɔŋ ni.+
Naasiɔŋ velu Salimɔŋ ni.
5 Salimɔŋ velu Bowaa ni. Nda Luehabi velu ndu ni.+
Bowaa velu Obɛdi ni. Nda Lutu velu ndu ni.+
Obɛdi velu Chɛɛse ni.+
6 Chɛɛse velu Masaa Deeve ni.+
Deeve velu Sɔlɔmɔŋ ni.+ Nda lanɔɔ Yuulaya velu ndu ni.
7 Sɔlɔmɔŋ velu Luihobowam ni.+
Luihobowam velu Abaicha ni.
Abaicha velu Esa ni.+
8 Esa velu Chɛhosiafati ni.+
Chɛhosiafati velu Chɛholuam ni.+
Chɛholuam velu Yusaya ni.
9 Yusaya velu Chotam ni.+
Chotam velu Ehaasi ni.+
Ehaasi velu Hɛsikaya ni.+
10 Hɛsikaya velu Manaasɛ ni.+
Manaasɛ velu Amɔŋ ni.+
Amɔŋ velu Choosaya ni.+
11 Choosaya+ velu Chɛkonaya+ a pɔmbuaa nduaa ni. A boondii keŋ nda kuɛ a Isɔluɛiya o chɛleŋ niŋ Babilɔŋ ni.+
12 Boondii nda wa Babilɔŋ nde Chɛkonaya velu Siaatiɛɛ ni.
Siaatiɛɛ velu Sɛlubabɛl ni.+
13 Sɛlubabɛl velu Abiyudi ni.
Abiyudi velu Iliaakim ni.
Iliaakim velu Asɔɔ ni.
14 Asɔɔ velu Sadɔki ni.
Sadɔki velu Ekim ni.
Ekim velu Ilayudi ni.
15 Ilayudi velu Ɛlieesa ni.
Ɛlieesa velu Mataŋ ni.
Mataŋ velu Chekɔpu ni.
16 Chekɔpu velu Choosɛ ni, pɔnɔɔ Meele. Meele velu Chiisu ni,+ o nda veelu aa Kiliti wo.+
17 Chɔŋ a Ebilaham mbo huŋ bii a Deeve, yuŋgulaŋ 14 la wa ni. Chɔŋ a Deeve mbo huŋ bii a boondii nda kuɛ a Isɔluɛiya o chɛleŋ niŋ Babilɔŋ nde, yuŋgulaŋ 14 la wa ni. Chɔŋ a boondii nda kuɛ a Isɔluɛiya o chɛleŋ niŋ Babilɔŋ nde mbo huŋ bii a Kiliti, yuŋgulaŋ 14 la wa ni.
18 Mɛɛ Chiisu Kiliti veluŋ yɛ cho hoo ni. Teleŋ Choosɛ kɛɛsiaa le Meele kala ndɔ chuaa o nɔɔ niŋndo, mi nyina diandaa* tosa mi Meele chua folioo*+ tuupa ma chal o nɔɔ niŋ nda Choosɛ. 19 Kɛ, le mɛɛ Choosɛ pɔnɔ ndɔ wa wana sakpo yɛ, mbo kɛɛsiaa le ndu kiɔɔ sɔɔsɔɔ, kanifuule ndoo yeema mbo tusi ndu lasiɔmbu faŋga tɛɛŋ te. + 20 Kɛ mɛɛ Choosɛ kɛɛsiaa le hei tosaa, mi maalikɛinɔ Chɛhowa* wo huŋ naa ndu chua o lɔma sɔlaŋ niŋ mbo dimul ndu aa: “Choosɛ, po Deeve wo, kiisaŋ le Meele chuaa o nɔɔ niŋ te, kanifuule nyina diandaa tosa ni mbo chua foli o nɔ koŋ ndo.+ 21 O cho poo violɔɔ, ma ke ndu diolaŋ aa Chiisu.*+ Ndu cho hunɔɔ wanaa nduaa soli o hakila ndalaŋ niŋ ni.”+ 22 Sɔɔŋ muŋ kpou yɔŋnuŋ le mi nyɛ Chɛhowa* dimi sanaa a wana ndoo suaa le ndu wo peeluŋ. Mbo dimi aa: 23 “Yufuaanɔɔ cho hunɔɔ folioo chua mbo velu poo, nduyɛ ma ke ndu diolaŋ aa Imaanuɛɛ.”+ Tɛɛsiaa diolaŋ ndaŋ la cho ni, “Mɛlɛka Cho a Naa Latulu.”+
24 Okoŋ mi Choosɛ tiandu o luaŋ. Mbo tosa nyɛ maalikɛinɔ Chɛhowa* wo dimul ndu wo. Mbo chua niko Meele laa ndɔ ma kua o bɛɛ. 25 Kɛ haaa mi Meele vialu poo,+ o hiviŋ ndu kɔɔli le. Mɛɛ o velu, mi Choosɛ ke ndu diolaŋ aa Chiisu.+