Polowaa
16 Mi waŋndo tuunuŋ sɔɔŋ o nɔ le dimioo woŋ o kɔl,
Kɛ Chɛhowa mala ndu ni mbo yɔŋgu muli kɛndɔɔ.+
2 Mi waŋndo yiyaŋ maa sɔɔŋ o cho tosaa woŋ kpou ŋ cho sakpo,*+
Kɛ Chɛhowa yaasiaa yiyaŋnda ndɔlaŋ ni.+
4 Chɛhowa chii niŋ nyɛ o nyɛ tosa le mi sabu ndɔɔ peeluŋ,
Hali paale wanaa dɛnɛ wɔɔŋnda nɔ le nyɛpalaa sɔlaa leŋ bɛɛ.+
5 Wana o wana nɔ yoŋgaa, Chɛhowa tul ndu leyɛ.+
Nduyɛ kɛsiŋ o kɔl maa a cho ndu nyɛpalaa tusi choo.
6 Te waŋndo chɔm pɛ kaala lo lechoo wo okoŋ mbo wa sakpo, mbo sɔla malɔɔ hakioo.+
Nduyɛ te waŋndo nɔ pɛ siooŋnde le Chɛhowa, mbo mulul yɔŋ wɔɔŋndo kɔɔ.+
7 Te Chɛhowa hini pɛ kɔl a sɔɔŋ waŋndo tosa woŋ,
Mbo tosa mi yaamɔɔwaa nduaa bɛɛ wa o kɔl nyulu niŋ a ndu.+
9 Mi waŋndo kɛɛsiaa sɔɔŋ o yeema tosaa o yoomu ndɔɔ niŋndoŋ o kɔl,
Kɛ Chɛhowa chɔm ndu nɛi o kua choo wo ni.+
10 Kɛɛsiaa kɛ kɛ masaa tosa pɛ, o nɔ mbo chɛlaŋ a nɛi chɔmaa Mɛlɛkaa.+
Fɛɛŋ bɛɛ o nɔ mbo kelu yamɛi o kafalaŋ choo le.+
11 Sekeleila* kpeekpeilaŋ, Chɛhowa o ba la fula ni.
Pouta cho le lusul nyɔɔŋ sinaa laŋ kpou, ndu wou laŋ o bɔlɔɔ niŋ ni.+
12 Masaa waa nɔ ma tul sɔɔŋ dɛnɛ wɔɔŋndoŋ leyɛ.+
Mi masale ndaleŋ le sim yi, te a wa pɛ sakpo o masale ndaleŋ choo.+
13 Te waŋnda dimi pɛ sɔɔŋ tonyaŋ, mi masaa waa naŋ kɔl.
A kaala wanaa dimi tonyaa wa.+
14 Kɔl tuu masaa cho ko maa kiilanɔ huŋ a yooŋgu piɔmndo wo,+
Kɛ wana taasioo sina mɛɛ o pɔlul ndu kɔllo yɛ.+
15 Te masaa naŋ pɛ kɔl a waŋndo, mɛɛ wana koŋ cho wa a kɔl kɛndɛ o yoomoo niŋ.
Nduyɛ te o hini pɛ kɔl a ndu, o wa ko mɛɛ piɔɔ mɛɛlaa sia nuaa yɛ.+
16 Taasioo nɔɔ bɛnda mbo hiau kooliiye.+
Nduyɛ sinapɛŋgoo sɔlaa bɛnda mbo hiau kanii humbuei.+
17 Wana cho sakpo wo tosa sɔɔŋ wɔɔŋndoŋ te.
Wana o wana wa pɛ yekeŋ a mɛɛ o tosa sɔɔŋ yɛ, mɛɛ yoomu ndɔɔ o cho koŋ mandaa ni.+
18 Heelɔŋndo, o tambei niŋ o yaa wana ni.
Nduyɛ kaa yoŋgaa, mbo mal wana kpɔŋ.+
19 O bɛnda ma wa wana tusiaŋ nya wanaa tusiaŋnda latulu,+
Mbo hiau nyɔɔŋ piɔuviaŋndo nya wanaa yoŋgaa.
20 Wana chɔm sinapɛŋgoo o sɔɔŋ niŋndo cho batiuwaa sɔla.
Nduyɛ kɔl kɛndɔɔ cho le wana duau tiindaŋndo o Chɛhowa niŋndo.
21 A cho wana nɔ taasioo wo veelu aa wana bii sɔɔŋ bila wo,+
Nduyɛ diomnda kɛndɛlaŋ* dimioo, la tosa mi waŋnda chɛl nyɛ ŋ dimi wo.+
22 Wanaa nɔ sinapɛŋgoo wa, sinapɛŋgoo cho ko maa sooŋ mamɛŋ yɔŋgu yoomoo wo le nda.
Kɛ diɔmnda nda, diɔmii ndɛi sila nda ni.
23 Wana nɔ taasioo wo, mbo hɛli diomnda o nɔ le dimioo laŋ nyɛkɛndɛi.+
Nduyɛ mbo chaa laŋ dimi le mi waŋnda chɛl nyɛ o dimi wo.
24 Diomnda kɛndɛla fula waŋndo o sondo laŋ, la cho ko maa waa malɛ.
La yeela le tueiyɔɔ waŋndo* o lani, nduyɛ mi la siŋgi paalaŋ.+
25 Mi waŋndo yiyaŋ maa o nɛi sakpoo choo o cho kɔlaŋ ni,
Kɛ o mɛɛlulaŋ, mbo yɛɛ ndu o piɔmndo niŋ.+
26 Yeemɛi wana wallo nɔ le nyɛdiaa ve tosa ni mbo tosa wallo kalaŋ,
27 Nɛilaŋ wanaa fonduaa nuuviaa ni le sɔɔŋ wɔɔŋndoŋ tosaa,+
Nduyɛ sɔɔŋ fula nda o sondo woŋ wa ko maa yiŋnde bɛndu.+
28 Wana mɛli sɔɔŋ ndo,* piɔuwaŋndo o luei waŋnda tɛɛŋ ni.+
Nduyɛ, mi wana balu a chaanda o sondo wo pɛl chaŋyɛi kpɛɛluŋnde.+
29 Mi wana kaala sɔŋgɔlaŋ ndo luei wana nda chiɛɛliaŋ ndo o tɔɔndaŋndo niŋ,
Nduyɛ mbo yɛɛ ndu o nɛi wɔɔŋndo choo.
30 Mbo kinda hɔlte ndɔleŋ te o wa pɛ tuuwo le sɔɔŋ wɔɔŋndoŋ tosaa.
Nduyɛ, mbo kafala chɔchɔŋ ndɔŋ te o wa pɛ sɔɔŋ wɔɔŋ o tuunuŋ o kɔl loŋ tosaa.
31 Yuluŋnde, mɔsil lemasa kɛndɛ kɛndɔɔ* i cho ni,+
Te o yɔŋ pɛ mi i wa wana cho kɔlaŋ o nɛi sakpoo choo wo o lebol.+
32 Wana doonuŋ tumbe chɔ chɔ le wo+ bɛnda mbo hiau wana nɔ kpaayaa tau wo.
Nduyɛ, wana duau kɔl ndɔ tuuwo o mandaa bɛŋgu wo bɛnda mbo hiau wana yam chiee bɛndoo wo.+