Maki

2 Mɛɛ palɛi hiou i tiŋ, mi Chiisu miiŋgu vɛlɛ Kepaaniɔm. Mi tɔɔ tiu maa o cho chiɛiniŋ.+ 2 Mi faŋga bɛndoo kɔ piɔ loŋ cha. Ba o ba fondaŋ ve lɛ le, hali o dio bɛɛ. Okoŋ, mbo kandu nda diom Mɛlɛkaa pɛɛkoo.+ 3 Mi puaa a hiɔɔlu chuu ndu wana bɛvɛiyo.+ 4 Kɛ le mɛɛ faŋgaa wa o dio yɛ, ndaa nɔla luɛiyɔɔ a ndu o fondaŋ Chiisu wa wo le. Le hei, ma buli yindɔ chiɛiyo Chiisu choo kpeekpei. Okoŋ, ma tusi wana bɛvɛi koŋ o fondaŋ nda buli wo o mboomaa niŋ. 5 Mɛɛ Chiisu che mɛɛ kpɛ ndaa laalaŋ yɛ,+ mbo dimul po bɛvɛi koŋ aa: “Poo, a sɔla malɔɔ hakioo le hakila numndaŋ.”+ 6 Wanaa pɛɛku waŋnda sawala Mɛlɛkalaŋ nda wa loŋ. Ma dimiŋ o lakɔl aa:+ 7 “Le yɛɛnɛ poo hoo cho yɛ suɛi nuaa? O cho diola Mɛlɛkalaŋ tɛɛmbuuwo. Wana o wana nɔla mbo mal waŋndo haki le hakila ndɔlaŋ te, mɛɛ Mɛlɛka ndupilɛ kpe.”+ 8 Kɛ o lepilɛ niŋ kpe, mi Chiisu sina yiyaŋ ndaa. Mbo nyuna nda aa: “Le yɛɛnɛ nya cho yɛ yiyaŋndo o kɔlta nyalaŋ niŋ lende?+ 9 Wana bɛvɛiyo dimullo aa, ‘A sɔla malɔɔ hakioo le hakila numndaŋ’ a dimullo ndu aa, ‘Chɔŋ ma chua mbooma numndo ma kuɛŋnuŋ,’ i kuɛɛ hiou yɛ wa tɛtɛlɛ? 10 Kɛ le mi la sina maa Po wanachioo+ nɔ kpaayaa o lɛŋndeŋ choo le waŋnda malɔɔ haki . . .”+ mbo dimul po bɛvɛiyo aa: 11 “Mi dimul num, chɔŋ ma chua mbooma numndo ma kuɛŋnuŋ o numndo.” 12 Mi poo chaŋ nya, mbo chua mbooma ndɔɔ, mbo fulaŋ waŋnda kpou o hɔl. Mi kɔndɔfillo bii nda kpou. Okoŋ ma saŋgala Mɛlɛka. Ma dimi aa: “Le pilɛ bɛɛ ŋ chi wɔ i waa nuaa le.”+

13 Mi Chiisu diam vɛlɛ kɔŋgɔ pee mɛŋma ihɛllo. Nduyɛ mi waŋnda faŋga bɛndoo tual ndu kɔɔli loŋ, okoŋ mbo kandu nda pɛɛkoo. 14 Mɛɛ o wa hiouwɔɔ, mbo cha Livai, po Afiɔɔsi wo ichali o chiɛi biyaa paawaa.* Mbo dimul ndu aa: “Huŋ ma tol la kɔɔli.” Mbo chaŋ mbo tual ndu kɔɔli.+ 15 Okoŋ kɔɔli, mɛɛ Chiisu wa nyɛdiaa dioo* o Livai lo chiɛiniŋ, wanaa biyaa paawaa a wanaa lahakiaa cheleŋ bɛɛ wa loŋ tau, ma wa nyɛdiaa dioo latulu. Kanifuule, a bɔɔbɔɔ wa ndu tolɔɔ kɔɔli.+ 16 Kɛ mɛɛ wanaa pɛɛku waŋnda sawala Mɛlɛkalaŋ, nduyɛ ma wa Falisiiya wa che Chiisu nyɛdiaa dioo latulu nda wanaa biyaa paawaa a wanaa lahakiaa, ma nyuna buɛiyaa nduaa aa: “Le yɛɛnɛ o cho yɛ nyɛdiaa dioo latulu nda wanaa biyaa paawaa a wanaa lahakiaa?” 17 Mɛɛ Chiisu tuei hei, mbo dimi aa: “Wanaa cho kɛndiaa wa heu ba a wana chiɔuwaa le. Kɛ wanaa cho a naalaŋ nda, nda hau ba a ndu. O cho le wanaa cho sakpo wa le ya hiŋ te, kɛ le wanaa lahakiaa.”+

18 Mi buɛiyaa Chɔŋ nda a Falisiiya ndaa bii sumndo. Okoŋ ma huŋ nyuna Chiisu aa: “Le yɛɛnɛ buɛiyaa Chɔŋ nda a buɛiyaa Falisiiya bii yɛ sumndo, kɛ buɛiyaa numnda bii sum te?”+ 19 Mi Chiisu mulul nda aa: “Te wana cho lanɔɔ chuaa wo+ cho wɔ pɛ nda chaaŋaa nduaa latulu, a nɔ kuee ma bii sum te, lende le? Te a wa wɔ pɛ latulu a wana cho lanɔɔ chuaa wo, a nɔ ma bii sum te. 20 Kɛ teleŋ cho fuuluu ma faŋa wana cho lanɔɔ chuaa wo nda tɛɛŋ,+ okoŋ ma bii sumndo a teleŋ koŋ. 21 Wana o wana beŋul tɛɛŋgei o doma paandoo a pɛŋgɛi kola sɛnɛiyo le. Kanifuule, te pɛŋgɛi kola sɛnɛiyo i ŋɔunuŋ pɛ, i chɔɔlu doma paandoo sɛɛsa, okoŋ tɛɛŋgei chɔɔlu kumbiŋ.+ 22 Nduyɛ wana o wana dou muɛima sɛnɛiyaŋ o bɔlɔ mamuɛi* paandoo niŋ te. Te o dɔu pɛ, muɛiyaŋ ma cho bɔlɔɔ piɔlɔɔ, mi ma choŋ. Okoŋ mi bɔlɔɔ tambu. Kɛ o bɔlɔ mamuɛi sɛnɛiyo niŋ wana duau muɛima sɛnɛiyaŋ ni.”

23 Mɛɛ Chiisu nda buɛiyaa nduaa wa keekoo o chiɛi i pum niŋ o Paale Pɛŋgiaaleŋ choo, mi buɛiyaa nduaa kandu tɔlɔɔ soondiaa o chiɛi keŋ niŋ.+ 24 Mi Falisiiya nyuna Chiisu aa: “Le yɛɛnɛ buɛiyaa numnda cho yɛ tosaa nyɛ wana nɔ ma tosa o Paale Pɛŋgiaaleŋ choo le wo?” 25 Kɛ mbo mulul nda aa: “Baa la chi wɔ o Yau Mɛlɛkaa niŋ a nyɛ Deeve nda puaa wa ndu kɔɔli wa tosa wo, boondii yiaaŋ ma wa nda nɛiyo ve le?+ 26 A boondii Abiaata+ wa masa wanaa soliaa lasalaa ve, mi Deeve luɛi o chiɛi Mɛlɛkaa niŋ mbo dia beedii* wa o yɔŋgaŋ o Mɛlɛka lo wo. Okoŋ mbo chua o tiŋ mbo ke wanaa wa ndu kɔɔli wa. Wana cheleŋ ndoo nɔ di kposoŋ mbo de ndu le, mɛɛ wanaa soliaa lasalaa kinɛi.”+ 27 Okoŋ mbo dimul nda aa: “Le tɔnɔ waŋnda chieeya Paale Pɛŋgiaaleŋ le handuŋ ni,+ kɛ o cho le Paale Pɛŋgiaaleŋ te waŋnda chieeya toosiaŋ te. 28 Lelaŋ, Po wanachioo cho Masanɔɔ le Paale Pɛŋgiaaleŋ ni.”+