Polowaa
9 Taasi kpeekpeiyo taŋgul chiɛi ndɔɔ.
Nduyɛ, o toosiaa suŋgbuma nduaŋ ma ŋɔmmɛu.
3 O vem buɛiyaa nduaa laanduaa,
Le ma kɔ sim o fondaŋ filioŋndo o chiee bɛndoo niŋ, ma veelu waŋnda aa:+
4 “Wana o wana cho diɔmndo, o huŋ luɛi nanuŋ.”
Nduyɛ mbo wa vɛlɛ wanaa nɔ kɔl kalu bɔɔ le wa dimullo aa:
6 La mɛi diɔmii nyɛi kɔɔli le mi la wa yoomu.+
La kɔ sakpo o nɛi ke nya sinapɛŋgoo wo choo.”+
7 Wana miŋgi pɛ wana mam waŋnda wo o nɛi, o tɛɛbuu ndupila labɛɛ.+
Nduyɛ wana o wana sila pɛ wana dɛnɛ wɔɔŋndo, o yei num.
8 Te a miŋgi pɛ wana mam waŋnda wo o nɛi, o cho num yɛleŋ tul.+
Kɛ te a miŋgi pɛ wana nɔ taasioo wo o nɛi, o cho num kaala.+
9 Sila wana nɔ taasioo wo, le mbo chɔɔlu taasioo sɔla.+
Nduyɛ ma pɛɛku wana cho sakpo wo, le mbo chɔɔlu sinapɛŋgoo sɔla.
10 Siooŋnde nɔɔ le Chɛhowa, kandɔŋ taasioo cho koŋ ni.+
Nduyɛ kɔl kalu Wana Hiou Diondɔɔ Wo+ cho sinapɛŋgoo ni.
11 Ya tosa ni ma viou yoomu,+
Nduyɛ ma chii wɔsila bɔɔbɔɔ o yoomu numndo niŋ.
12 Te a simnuŋ pɛ wana taasi, a cho tɔnɔɔ sɔla o taasi numndo niŋ.
Kɛ te a simnuŋ pɛ wana mam waŋnda wo, num cho saŋga ni.
13 Wana lanɔ diɔmndo cho bɔɔ pandoŋ pandoŋ.+
O nɔ kɔl kalu le, nduyɛ o sina nyɛ o nyɛ le.
14 O dio chiɛi ndɔɔ sondoo o chal ni,
A o fondaŋnda filioŋndaŋ o chiee bɛndoo niŋ,+
15 Mbo veelu wanaa cho hiounɔŋndo wa,
Wanaa cho kɔŋndaŋ o kpekula ndalaŋ niŋnda aa:
16 “Wana o wana cho diɔmndo, o huŋ luɛi nanuŋ.”
Nduyɛ, mbo wa wanaa nɔ kɔl kalu bɔɔ le wa dimullo aa:+
17 “Mɛŋma leviiyaŋ ma yeela bɔɔ.
Nduyɛ nyɛdiaa wana dia hoo o vioŋnɔŋndo niŋndo, yeelaa pila o yeela ni.”+