Sam
Chondii Deeve ve. Chondei le chiɛiyo malɔɔ Mɛlɛka o ba.
30 Oo Chɛhowa, I cho num saŋgala, kanifuule a soli ya o sooŋndo niŋ.
A chɛl le mi yaamɔɔwaa niaa dɔɔnuŋ nyaale ya choo le.+
2 Oo Chɛhowa Mɛlɛka nuu, mɛɛ ya chaŋ naa num chua le malaa, ma siŋgi ya.+
4 Nya wanaa chɔm lo lechoo wo o Chɛhowa lo wa, la solul ndu chondoŋ.*+
La mel ndu balikaa le diola ndɔla diandaa laŋ.+
5 Kanifuule, le teleŋ biŋgi koni o duaunuŋ tumbe a wana ni.+
Kɛ nduyɛ, kɛndɛi nduɛi cho le fɛɛŋ a fɛɛŋ.+
Mi waŋndo chaŋ ichɔl, kɛ te paaleŋ le sɛ pɛ, o dɔɔnuŋ nyaale.+
6 Teleŋ ya wa o kɔl nyulu niŋndo, mi dimi aa:
“Nyɛ o nyɛ nɔla ya hiiluu le.”
7 Oo Chɛhowa, teleŋ ya wa o kɛndɛi numnde bɛŋgu wo, ma tosa mi simnuŋ o kala poŋ maa ipembu.+
Kɛ mɛɛ ŋ viŋ ya hɔlla, mi siooŋnde bii ya.+
8 Oo Chɛhowa, I cho piɛileŋ o numndo le teleŋ o teleŋ.+
Nduyɛ, num Chɛhowa ya nyɔɔlu teleŋ o teleŋ ni le ma tuiinuŋ ya inyiɛɛ.
9 Te o yɔŋ pɛ mi vi mi kuɛ o sooŋndo* niŋ,+ tɔnɔ yɛɛ kpeekpei ya nɔ yɛ?
Baa chundoo nɔla pa mbo saŋgala num?+ Baa o nɔla pa mbo soo a sakpoyɛi numnde okɔɔ?+
10 Oo Chɛhowa, tuei ya diom ma tuiinuŋ ya inyiɛɛ.+
Oo Chɛhowa, simnuŋ wana ni malaa.+
11 A siŋga chaŋnda nilaŋ a kpeŋjoo.
A soli ya nyɛla imɔnɔlaŋ lekɔɔ, ma wou ya nyɛla kɔl kɛndɛlaŋ,
12 Le halikpeŋ mi hiou lachi a num saŋgalaa o chondei niŋ, I mei le.
Oo Chɛhowa Mɛlɛka nuu, I cho num saŋgala le fɛɛŋ a fɛɛŋ.