Sam
Chondii Deeve ve.
108 Oo Mɛlɛka, I laalaŋ num a kɔl nuu kpou.
I cho nyɛchaa lɔɔ nduyɛ mi soli chondei a kɔl nuu kpou.*+
2 Oo nyɛchaa iyoo, tiondu. Num towaa bɛɛ, tiondu.+
I cho chɔnɔŋ idii puŋ.
3 Oo Chɛhowa, I cho num saŋgala waŋnda tɛɛŋ,
Nduyɛ mi solul num chondoŋ* kaalaŋ tɛɛŋ.
4 Kanifuule, kaala lo lechoo numndo cho bɔɔ. O cho filioŋ mɛɛ choo choo cho nuaa yɛ.+
Nduyɛ sakpoyɛi numnde fuuluu o halaa niŋ di.
5 Oo Mɛlɛka, sɔla saŋgalaa o choo choo niŋ.
Maa naŋɔɔ numndo tiu o lɛŋndeŋ choo kpou.+
6 Chiindiaa naa a ba num kɛndɔɔ nduyɛ ma mulul la,+
Le halikpeŋ mi wanaa ŋ kaala wa sɔla baŋaa.
7 Mɛlɛka soo o diondɔɔyɛi nduɛi niŋ,* mbo dimi aa:
“I cho wa a nyaale le mi mal Siɛkɛm+ waŋnda o ba maa nyɛm kɛŋ nda.
Nduyɛ I cho Kpoloŋndo* Sukɔti tuu a yooleŋ.+
8 Le ya Kiliaadi+ cho ni, mɛɛ Manaasɛ cho le ya yɛ,
Nduyɛ Ifiluem cho mɔsil manda bolle nileŋ ndo ni.+
Chuda cho tinda ni lemasaa ni.+
9 Mowaabi cho nyɛi laandii ya puluŋ nde ni.+
10 O nɛɛnɛ cho yɛ lakɔ a ya o chiee cho o kpaki kala kalaa niŋndo?
O nɛɛnɛ cho yɛ ya liila haaa Idɔm?+
11 Baa o cho num Mɛlɛka kɛɛ naa wo le?
Baa o cho num Mɛlɛka kue lɛ a naa latulu o chɔuwo le teleŋ vilɛi yo le?+