Sam
Chondii Deeve ve.
29 Nya puaa wanaa nɔ kpaaya bɛndoo wa, la ke Chɛhowa bɛɛle o nɔ mbo sɔla leŋ.
La ke Chɛhowa bɛɛle o nɔ mbo sɔla leŋ le naŋɔɔ ndɔɔ a kpaaya ndɔɔ.+
2 La ke Chɛhowa bɛɛle diola ndɔlaŋ la nɔ mi la sɔla leŋ.
La beŋ Chɛhowa wulaŋ* a nyɛla diandaa laŋ lekɔɔ.*
3 Diom Chɛhowa wo cho fulaa o mɛŋndaŋ choo.
Mɛlɛka tɔɔma bɛndoo cho deŋioo choo choo maa letaŋ.+
Chɛhowa cho o mɛŋma bɛnduaŋ choo.+
4 Diom Chɛhowa wo nɔ kpaayaa.+
Diom Chɛhowa wo cho diom tɔɔma bɛndu.
5 Diom Chɛhowa wo cho yɔmii sida ve yimi yimioo.
A tonya, Chɛhowa yimi yimi yɔmii sida ve Lebanɔŋ.+
7 Chɛhowa cho suɛi, mi nyɛ ŋualalɛi ŋualalɛiyo wa kiolioo.+
8 Diom Chɛhowa wo tosa mi pollo nyiiya.+
Chɛhowa tosa mi pollo Kedɛsi nyiiya.+
9 Diom Chɛhowa wo tosa mi kiallo nyiiya, mbo kuam sakpo.
O tosa mi pei chiɛɛluŋ o bundɛlaŋ niŋ,+
Nduyɛ mi waŋnda o chiɛi ndɔɔ niŋ kpou dimi aa: “Biiloo cho le Mɛlɛka!”
10 Chɛhowa cho ichali o kpeŋgbei* lemasaa choo o mɛŋma bɛnduaŋ choo.*+
Chɛhowa cho ichali o kpeŋgbei lemasaa choo maa Masa le fɛɛŋ a fɛɛŋ.+
11 Chɛhowa cho wanaa nduaa yoomuaŋ luei.+
Chɛhowa cho wanaa nduaa dɔwɔɔ sala mbo ke nda kɔl nyuloo.+