Polowaa
20 Nyɛ mamaa muɛiyaŋ ma cho ni,+ nduyɛ mi ma tosa mi waŋndo tosa sɔɔŋ maa diɔm.+
Wana o wana tol maŋ kɔɔli pɛ, mɛɛ o nɔ taasi le.+
2 Siooŋii masaa luei waŋndo ve cho ko mɛɛ kpɔkuŋndo* pɛɛliaa nuaa yɛ.+
Wana o wana pilaŋ ndu tana pɛ, o luei yoomu ndɔɔ o kpundɔɔ niŋ.+
4 Wana siɛlɛiyo chɛl le chiɛi waa a sialteŋ te.
Lelaŋ, mbo chɛŋ balɔɔ piɛileŋ a teleŋ kuauwaa, kanifuule o nɔ nyɛ o nyɛ le.*+
5 Yiyaŋnda* cho wanachioo o kɔl taŋ la cho ko maa sooŋ yiŋgilɛi mamɛŋndo.
Kɛ mi wana nɔ sinapɛŋgoo wo kindiŋ mbo sina laŋ.
6 Mi wanaa bɔɔbɔɔ saŋgalaŋ a kaala lo lechoo ndaa,
Kɛ nɛɛnɛ nɔla yɛ mbo saaluŋ wana cho sakpo wo?
7 Mi wana cho sakpo wo tosa sɔɔŋ o nɛi sakpoo choo.+
Kɔl kɛndɔɔ cho wa le chuauwaa* nduaa.+
8 Te masaa chal pɛ o kpeŋgbei* lemasaa choo le waŋnda sɔɔŋ dimioo tɛɛŋ,+
O nɔla mbo che sɔɔŋ wɔɔŋndoŋ kpou.+
12 Nile naŋ tuɛi leŋ a hɔlte naŋ cha leŋ,
Chɛhowa toosiaa muŋ kpou ni.+
13 Te waŋndo kaala pɛ luaŋ tau, o cho mɛɛlu o bala fondolaŋ niŋ.+
Kumbi hɔlta numndaŋ le ma sɔla nyɛdiaa* nduyɛ ma hini kɔl.+
14 Mi wana kuɛ piondɔɔ wo dimi aa: “Wɔŋgulaŋ ndaŋ la niŋ te, la niŋ kposoŋ te!”
Kɛ te o kuɛŋnuŋ pɛ, o kɔ saŋgalaŋ.+
15 Kooliiyoŋ a pouta baa kalala cho o peelo laŋ* la cho tau,
Kɛ wana dimi sɔɔŋ kɔl kaloŋ ndo hiou wa o sɔvɛ.+
16 Te waŋndo ke num pɛ domaa o landei niŋ le kuee miallo biiyo, bii.+
Le wana lanɔ miallo bɛɛ, bii ndu landei o ba.+
17 Nyɛdiaa* waŋndo sɔla hoo o kafalaŋ choo wo, yeelaa pila o yeela ni.
Kɛ o mɛɛlulaŋ kpɔŋ, mbo simnuŋ tɛnɔŋ ndu o sondo.+
18 Te waŋndo naŋgu pɛ a acheleŋnda o tuula ndɔlaŋ niŋ, batiuwaa o sɔla ni.+
Tol nɛi chɔmaa sɔviɔɔ* kɔɔli te a kuɛ pɛ o chɔuwo.+
19 Wana tɛɛmbuu chaanda tɔɔ wo, ndu balu a sɔɔŋ pilaŋ o sondo ni.+
Tosa naaŋaŋndo a wana kaala choŋgulaŋ ndo* le.
20 Wana o wana mɛna pɛ finya ndɔ nda kala ndɔ,
Lambui ndɔɔ cho nyum pɔli te nyumndaŋ ma tol pɛ.+
21 Te waŋndo sɔla pɛ nyɛm kiɔɔŋ o kafalaŋ choo,
O mɛɛlulaŋ kpɔŋ, sala ve lechoo le.+
22 Dimi nuaa aa: “I cho maa miŋgi le suɛi wɔɔŋ nda tosal la ve” le!+
Tiindaŋ Chɛhowa,+ o cho num piŋi.+
23 Pouta tuwaa lakafalaŋ, Chɛhowa tul taŋ leyɛ.
Nduyɛ, sekeleila* lakafalaŋ la niŋ kposoŋ te.
24 Chɛhowa chɔm waŋndo mɛɛ o kua yɛ ni.+
Vɛɛ wanachioo nɔla yɛ niko mbo bii nɛi ndɔɔ* bila?
25 Yaŋɔɔleŋ i wa ni te waŋndo chua pɛ buŋgɛi luku luku le “Mɛlɛka” nyɛ kioo,+
Okoŋ kɔɔli, mbo chal yiyaŋndo te o tiu pɛ ba le buŋgɛi keŋ peeloo.+
26 Mɛɛ nda soli nuaa billo o kulloŋ tɛɛŋ yɛ,+
Lende koni masa taasioo soli wanaa dɛnɛ wɔɔŋnda, nduyɛ mbo faŋa nda ni.+
27 Yoomu wanachioo yoomu wo cho lambui Chɛhowa wo ni.
Nduyɛ, mbo yaasiaa nyɛ o nyɛ cho o dialuŋ wanachioo niŋ.
28 Kaala lo lechoo wo a sakpoyɛi masaa chɔm nde manda ndu ni.+
Nduyɛ, kaala lo lechoo wo manda ndu o kpeŋgbei* ndɔ lemasaa choo ni.+
29 Feleŋguaa, naŋɔɔ ndaa cho yoomuma ndaŋ ni.+
Nduyɛ bɛnduaa yuuwa, bɛɛle ndaleŋ le cho yuluŋii ndɛi ni.+
30 Waŋndo lɔɔ ma mɛli ndu pauve tosa mbo mal yɔŋ wɔɔŋndo,+
Nduyɛ mi lɔɔ koŋ tosa mi nyɛ o nyɛ cho ndu niŋ dendu fo.